തിരുവനന്തപുരം: ജാമിയ മിലിയ സര്‍വകലാശാലയില്‍ വിദ്യാര്‍ഥികള്‍ക്ക് നേരെയുണ്ടായ പൊലിസ് നരനായാട്ടില്‍ പ്രതിഷേധിച്ച് തിരുവനന്തപുരത്ത് രാജ്ഭവനിലേക്ക് ഡി.വൈ.എഫ്.ഐ പ്രവര്‍ത്തകര്‍ നടത്തി മാര്‍ച്ചില്‍ സംഘര്‍ഷം. പൊലിസ് ബാരിക്കേഡ് തള്ളിക്കയറാന്‍ ശ്രമിച്ചതിനെ തുടര്‍ന്ന് ജലപീരങ്കി പ്രയോഗിച്ചു. തുടര്‍ന്ന് പൊലിസിന് നേരെ കല്ലേറുമുണ്ടായി.

നൂറോളം പ്രവര്‍ത്തകര്‍ പ്രകടനമായെത്തുകയായിരുന്നു. വന്‍ പൊലിസ് സന്നാഹം സ്ഥലത്ത് കാംപ് ചെയ്തിരുന്നു. ബാരിക്കേഡ് തള്ളിക്കയറാന്‍ ശ്രമിച്ചതിനെ തുടര്‍ന്നാണ് പൊലിസ് ജലപീരങ്കി ഉപയോഗിച്ചത്.