ന്യൂഡല്‍ഹി: അഞ്ചു സംസ്ഥാനങ്ങളിലെ ഫലം ബി.ജെ.പിക്കുള്ള മുന്നറിയിപ്പാണെന്ന് സഖ്യ കക്ഷിയായ ശിവസേന. ഭരിക്കുന്ന സര്‍ക്കാര്‍ പുനര്‍ വിചിന്തനം നടത്തണമെന്നും ശിവ സേനയുടെ വക്താവ് സഞ്ചയ് റൗത് ആവശ്യപ്പെട്ടു. ബി.ജെ.പിയുടെ മുന്നേറ്റം അവസാനിച്ചിരിക്കുന്നു. ഇതു ബി.ജെ.പിക്കുള്ള കൃത്യമായ സന്ദേശമാണെന്നും അദ്ദേഹം മാധ്യമങ്ങളോട് പറഞ്ഞു.

ദേശീയ രാഷട്രീയത്തില്‍ ഒന്നിച്ചു നില്‍ക്കുമ്പോഴും മഹാരാഷ്ട്രയില്‍ ശിവ സേന ഉടഞ്ഞു തന്നെയാണ് നില്‍ക്കുന്നത്. 2014 ല്‍ ബി.ജെ.പിയും ശിവ സേനയും രണ്ടു പാര്‍ട്ടിയായി തന്നെയാണ് ഇവിടെ മത്സരിച്ചത്. പിന്നീടാണ് ഇവര്‍ സഖ്യത്തില്‍ ചേര്‍ന്നത്.