ന്യൂഡല്‍ഹി: പൗരത്വ ഭേദഗതി നിയമത്തിനെതിരെ സമരം ചെയ്തിരുന്ന വിദ്യാര്‍ഥികള്‍ക്കെതിരെ പൊലിസ് വെടിയുതിര്‍ത്തുവെന്ന് വ്യക്തമാവുന്നു. രണ്ട് വിദ്യാര്‍ഥികളെ ബുള്ളറ്റ് ഏറ്റ നിലയില്‍ പ്രവേശിച്ചിട്ടുണ്ടെന്ന് സഫ്ദര്‍ജംങ് ആശുപത്രി അധികൃതര്‍ വ്യക്തമാക്കി.

വെടിയേറ്റ് ചികിത്സക്കെത്തിയവരുടെ വിവരങ്ങള്‍ പുറത്തുവിട്ടിട്ടില്ല.

സമരം ചെയ്തുവരികയായിരുന്ന വിദ്യാര്‍ഥികള്‍ക്കെതിരെ ഇന്നലെ ക്രൂരമായ മര്‍ദനമാണ് ഡല്‍ഹി പൊലിസ് അഴിച്ചുവിട്ടത്. ഇതിനിടെ വെടിവയ്പ്പുണ്ടായെന്നും റിപ്പോര്‍ട്ടുണ്ടായിരുന്നുവെങ്കിലും പൊലിസ് നിഷേധിച്ചിരുന്നു. എന്നാല്‍ രണ്ട് പേര്‍ ബുള്ളറ്റ് ഏറ്റ പരുക്കുമായി പ്രവേശിപ്പിക്കപ്പെട്ടെന്ന വെളിപ്പെടുത്തലുമായി ആശുപത്രി സൂപ്രണ്ട് തന്നെ രംഗത്തുവന്നതോടെ പൊലിസ് പറയുന്നത് കള്ളമെന്ന് വ്യക്തമായിരിക്കുകയാണ്.