പേരാമ്പ്ര: ഫാസിസത്തിനും മതനിഷേധത്തിനുമെതിരെ ബഹുസ്വര സമൂഹത്തില്‍ മത വിശ്വാസികളുടെ ഐക്യനിര വളര്‍ന്നുവരണമെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. പുനര്‍നിര്‍മ്മിച്ച പേരാമ്പ്ര മഹല്ല് ജുമാ മസ്ജിദിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനായി. എസ്.പി കുഞ്ഞമ്മദ്, റഫീഖ് സക്കരിയ്യ ഫൈസി, സാലിഹ് ഹുദവി, യൂസുഫ് കരിമ്പില്‍ പൊയില്‍, പൂളക്കണ്ടി കുഞ്ഞമ്മദ്, എം.കെ.സി കുട്ട്യാലി, ടി.കെ അബ്ദുല്‍ ഗഫൂര്‍, എം. അസയിനാര്‍ പ്രസംഗിച്ചു.
മസ്ജിദ് ഉദ്ഘാടനത്തോടനുബന്ധിച്ചു നടന്ന ആയുര്‍വേദ ക്യാംപ് പേരാമ്പ്ര എസ്.ഐ ദിലീഷ് സാഠോ ഉദ്ഘാടനം ചെയ്തു. പി. അബ്ദുല്‍ മജീദ് അധ്യക്ഷനായി. പേരാമ്പ്ര ഗവ. ആയുര്‍വ്വേദ ഡിസ്‌പെന്‍സറി മെഡിക്കല്‍ ഓഫിസര്‍ ഡോ. ഐശ്വര്യ ക്യാംപിന് നേതൃത്വം നല്‍കി. കക്കിനകണ്ടി മൊയ്തി, ഐ.ടി.സി അബ്ദുസ്സമദ് പ്രസംഗിച്ചു.