കാപ്പാട്: തിരുവങ്ങൂര്‍ റെയ്ഞ്ച് സംഗമവും സുപ്രഭാതം നാലാം വാര്‍ഷിക കാംപയിനും കാപ്പാട് സിയാനതുല്‍ വില്‍ദാന്‍ മദ്‌റസയില്‍ നടന്നു. എ.വി അബ്ദുല്ല കോയയെ വാര്‍ഷിക വരിക്കാരനായി ചേര്‍ത്ത് മദ്‌റസാ മാനേജ്‌മെന്റ് ജില്ലാ പ്രസിഡന്റ് എ.പി.പി തങ്ങള്‍ ഉദ്ഘാടനം ചെയ്തു.
മുഫത്തിശ് ശിഹാബുദ്ദീന്‍ ദാരിമി അധ്യക്ഷനായി. സുപ്രഭാതം അസോസിയേറ്റ് എഡിറ്റര്‍ മൂസ കാപ്പാട് കാംപയിന്‍ പദ്ധതി വിശദീകരിച്ചു. മുദരിബ് സാജിഹ് ശമിര്‍ അസ്ഹരി ക്ലാസെടുത്തു. പൊതുപരീക്ഷയില്‍ കൂടുതല്‍ മാര്‍ക്ക് നേടിയ വര്‍ക്കുള്ള കെ. മൂസ മാസ്റ്റര്‍ സ്മാരക അവാര്‍ഡ് എസ്.കെ അബൂബക്കര്‍ ബാഖവി, വി. മുഹമ്മദ് ശരീഫ് മാസ്റ്റര്‍, കെ.പി മുഹമ്മദ് മൗലവി, കെ.കെ ശംസീര്‍ എന്നിവര്‍ നല്‍കി. സെക്രട്ടറി പി.കെ മുസ്തഫ ദാരിമി സ്വാഗതവും ലത്തീഫ് ഫൈസി നന്ദിയും പറഞ്ഞു.