താമരശേരി: സഊദി കെ.എം.സി.സി ഈങ്ങാപ്പുഴ സെന്റ് ജോര്‍ജ്ജ് ഡയാലിസിസ് സെന്ററിന് ഒരു ഡയാലിസിസ് മെഷീനുള്ള തുക സംഭാവന ചെയ്തു.

നിര്‍ധനരായ രോഗികള്‍ക്ക് സൗജന്യമായി ഡയാലിസിസ് ചെയ്തു കൊടുക്കുന്ന സ്ഥാപനമണെന്നറിഞ്ഞാണ് കെ.എം.സി.സി സഹായവുമായി രംഗത്തെത്തിയത്.
പതിനായിരം ഡയാലിസിസ് പൂര്‍ത്തീകരണ ദിനാചരണം മുന്‍ മുഖ്യമന്ത്രി ഉമ്മന്‍ ചാണ്ടണ്ടി ഉദ്ഘാടനം ചെയ്തു.
റവ.കെ.ഐ ഫിലിപ്പ് റമ്പാന്‍ അധ്യക്ഷനായി. ഡയാലിസിസ് മെഷീനുള്ള ചെക്ക് കെ.എം.സി.സി പ്രസിഡന്റ് കെ.പി മുഹമ്മദില്‍ നിന്നും ഉമ്മന്‍ചാണ്ടണ്ടി ഏറ്റുവാങ്ങി സെന്ററിന്റെ ഫിനാന്‍ഷ്യല്‍ എക്‌സിക്യൂട്ടീവ് ഫാ. പ്രസാദിന് കൈമാറി. ജോര്‍ജ്ജ് എം തോമസ് എം.എല്‍.എ, പുതുപ്പാടി ഗ്രാമപഞ്ചായത്ത് വൈസ് പ്രസിഡന്റ് കുട്ടിയമ്മ മാണി, ജില്ലാ പഞ്ചായത്ത് അംഗം വീ.ഡി ജോസഫ്, ഫാ. മാത്യു പ്ലത്തോട്ടം, ഡി.സി.സി പ്രസഡന്റ് ടി.സിദ്ധിഖ്, വി.കെ ഹുസൈന്‍കുട്ടി, അബ്ദുള്‍ ലത്തീഫ് തച്ചംപൊയില്‍, കുര്യന്‍ എബ്രഹാം തൈക്കടവില്‍, ടി.ടി വര്‍ഗ്ഗീസ് എന്നിവര്‍ പ്രസംഗിച്ചു.