കോഴിക്കോട്:പയമ്പ്ര ഗവണ്‍മെന്റ് ഹയര്‍സെക്കന്‍ഡറി സ്‌ക്കൂള്‍ സ്റ്റുഡന്‍സ് പൊലിസ് കേഡറ്റ് പ്രോജക്ടിന്റെ പൂനൂര്‍ പുഴ സംരക്ഷണ പദ്ധതി ഉദ്ഘാടനം ഓഗസ്റ്റ് അഞ്ചിനു പണ്ടാരപറമ്പ് പാലത്തിനു സമീപം നടക്കും.
കുരുവട്ടൂര്‍ പഞ്ചായത്തിലെ പൊയില്‍ത്താഴം മുതല്‍ പണ്ടാരപറമ്പ് വരെയുള്ള ഭാഗം ദത്തെടുത്ത് നടത്തുന്ന സംരക്ഷണ പദ്ധതി ജില്ലാ കലക്ടര്‍ യു.വി ജോസ് ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വൃക്ഷത്തൈകള്‍ നട്ടു പിടിപ്പിച്ചിട്ടുണ്ട്. മാലിന്യങ്ങള്‍ വലിച്ചെറിയുന്നത് തടയാനുള്ള ബോധവല്‍ക്കരണ ബോര്‍ഡുകളും പുഴയോരത്ത് സ്ഥാപിച്ചിട്ടുണ്ട്.
കുന്ദമംഗലം പഞ്ചായത്തിന്റെയും പിന്തുണ പദ്ധതിക്ക് ലഭിക്കുന്നുണ്ട്.
ഇ.കെ മോഹനന്‍ , കെ. മനോജ് കുമാര്‍, കെ. പ്രേംരാജ്, എന്‍. പ്രമോദ് വാര്‍ത്താസമ്മേളനത്തില്‍ പങ്കെടുത്തു.