തേഞ്ഞിപ്പലം: ചേളാരി ഇന്ത്യന്‍ ഓയില്‍ കോര്‍പ്പറേഷന്റെ പാചക വാതക ഫില്ലിംഗ് യൂനിറ്റില്‍ ലോറിക്കാരുടെ പ്രതിഷേധത്തെ തുടര്‍ന്ന് ഒരു മണിക്കൂറിലേറെ വാതക ഫില്ലിംഗും സിലിണ്ടര്‍ നീക്കവും തടസപ്പെട്ടു. പ്ലാന്റിനകത്ത് ഇടക്കിടെ പ്രവര്‍ത്തനം മുടങ്ങുന്നത് കാരണം ആവശ്യത്തിന് സിലിണ്ടര്‍ ലോഡ് ലഭിക്കാത്തതില്‍ പ്രതിഷേധിച്ചാണ് സിലിണ്ടര്‍ ലോറി തൊഴിലാളികള്‍ പണിമുടക്കി പ്രതിഷേധിച്ചത്.
കഴിഞ്ഞ രണ്ട് ദിവസങ്ങളില്‍ ആവശ്യത്തിന് ജീവനക്കാരില്ലാത്തതിനാല്‍ പ്ലാന്റ് പ്രവര്‍ത്തനം തടസ്സപ്പെട്ടിരുന്നു. ഇതിനാല്‍ സിലിണ്ടര്‍ ലഭിക്കാതെ ലോറിക്കാര്‍ക്ക് ഏറെ നേരം കാത്തിരിക്കേണ്ടി വന്നിരുന്നു.
ഇത് പോലെ സിലിണ്ടര്‍ ലോഡുകള്‍ ലഭിക്കാന്‍ കാത്ത് കെട്ടി കിടക്കേണ്ട അവസ്ഥയില്‍ പ്രതിഷേധിച്ചാണ് തിങ്കളാഴ്ച ഒരു മണിക്കുര്‍ പണിമുടക്കിയത്