ശ്രീകണ്ഠപുരം: വാഹനത്തിരക്കേറിയ കോട്ടുര്‍ പാലത്തിന് മുകളില്‍നിന്ന് ആളുകള്‍ കണ്ടുനില്‍ക്കെ പുഴയില്‍ ചാടിയ വയോധികനെ നാട്ടുകാര്‍ രക്ഷിച്ചു. കൂട്ടുമുഖത്തെ നാരായണന്‍ (59) ആണ് കഴിഞ്ഞ ദിവസം വൈകിട്ട് പുഴയില്‍ ചാടിയത്.
ഇത് കണ്ടതിനെ തുടര്‍ന്ന് സ്‌കൂള്‍ കുട്ടികളും യാത്രക്കാരും നിലവിളിച്ചതോടെ ഓടിയെത്തിയ ചുമട്ട് തൊഴിലാളിയും നാട്ടുകാരും രക്ഷിക്കുകയായിരുന്നു. വളരെ ഉയരത്തില്‍ നിന്നു പുഴയില്‍ ചാടിയെങ്കിലും പരുക്കൊന്നുമില്ലാത്ത നാരായണനെ ബന്ധുക്കളെ വിളിച്ച് വരുത്തി കൂടെ വിടുകയായിരുന്നു.