തിരുനാവായ: പ്രവാസികള്‍ക്ക് ഓണ്‍ലൈന്‍ വോട്ടും നാട്ടിലെ അംഗങ്ങള്‍ക്ക് ബാലറ്റ് പേപ്പറുമായി പ്രസിഡന്റ് സ്ഥാനത്തേക്കുള്ള തെരെഞ്ഞടുപ്പ് ശ്രദ്ധേയമാകുന്നു.
രണ്ട് വര്‍ഷം മുന്‍പ് രൂപീകൃതമായ എടക്കുളം സ്റ്റാര്‍സ് ഓഫ് കുന്നുംപുറത്തിന്റെ പുതിയ ഭാരവാഹികളെയാണ് വോട്ടെടുപ്പിലൂടെ തെരെഞ്ഞടുക്കുന്നത്. നാട്ടിലുള്ള അംഗങ്ങള്‍ക്ക് ബാലറ്റ് പേപ്പറില്‍ നേരിട്ട് വോട്ടു ചെയ്യാനുള്ള അവസരം നല്‍കിയപ്പോള്‍ പ്രവാസികളായ മെമ്പര്‍മാര്‍ക്ക് ഓണ്‍ലൈന്‍ വോട്ടിങ്ങും ഏര്‍പ്പെടുത്തിയിട്ടുണ്ട്. പ്രവാസികള്‍ക്ക് രാജ്യത്തെ ജനാധിപത്യ പ്രക്രിയയില്‍ പങ്കാളികളാകാന്‍ നിരവധി തടസങ്ങള്‍ നേരിടുമ്പോഴാണ് ഒരു സാംസ്‌കാരിക സംഘടന തങ്ങളുടെ അംഗങ്ങളായ പ്രവാസികളെ കൂടി ഉള്‍പ്പെടുത്തി പുതിയ ഭാരവാഹികളെ തെരെഞ്ഞടുക്കുന്നത്. രണ്ട് വര്‍ഷത്തെ കാലാവധിയാണ് പുതിയ ഭാരവാഹികള്‍ക്ക്. കെ.പി ബാഹുദ്ധീന്‍ ,സി.വി ഷാജി, സി.പി അബ്ദുല്‍ സലാം എന്നിവരാണ് പ്രസിഡന്റ് സ്ഥാനത്തേക്ക് മത്സരിക്കുന്നത്. ഇന്നലെ വൈകുന്നേരം നാല് മണിക്ക് തുടങ്ങിയ വോട്ടെടുപ്പ് രാത്രി 9 മണി വരെ നീണ്ടു. ഫലപ്രഖ്യാപനം ഇന്ന് നടത്തും.