കോഴിക്കോട്: വഖ്ഫ് സ്ഥാപനങ്ങളില്‍ സാങ്കേതിക, സാമ്പത്തിക സംരംഭങ്ങള്‍ നടപ്പാക്കി മികച്ച പ്രവര്‍ത്തനം നടത്തിയിട്ടുള്ള മുതവല്ലി, മാനേജ്‌മെന്റ് കമ്മിറ്റികള്‍ക്ക് അവാര്‍ഡ് നല്‍കുന്നു. കേന്ദ്ര ന്യൂനപക്ഷ മന്ത്രാലയത്തിന്റെ കീഴില്‍ നടപ്പിലാക്കുന്നപദ്ധതിയായ ഖുആമി വഖ്ഫ് ബോര്‍ഡ് തറാക്കിയാത്തി സ്‌കീമിന്റെ ഭാഗമായാണ് അവാര്‍ഡ്. അപേക്ഷകരില്‍നിന്നും തിരഞ്ഞെടുക്കുന്നവര്‍ക്ക് യഥാക്രമം 1,00,000, 75,000, 50,000 രൂപ വീതം ക്യാഷ് അവാര്‍ഡും മൊമെന്റോയും ലഭിക്കും. അപേക്ഷ കേരളാ സ്റ്റേറ്റ് വഖ്ഫ് ബോര്‍ഡ്, വി. ഐ.പി റോഡ്, കലൂര്‍, കൊച്ചി 17 എന്ന വിലാസത്തില്‍ ഡിസംബര്‍ 31 ന് വൈകിട്ട് അഞ്ചിനകം ലഭിക്കണം. ബോര്‍ഡില്‍ രജിസ്റ്റര്‍ ചെയ്തിട്ടുള്ള വഖ്ഫ് സ്ഥാപനങ്ങളുടെ മുതവല്ലിമാരെയാണ് അവാര്‍ഡിന് പരിഗണിക്കുക. വിശദ വിവരങ്ങളും അപേക്ഷാ ഫോമും ബോര്‍ഡ് ഓഫിസുകളിലും ംംം.സലൃമഹമേെമലേംമസളയീമൃറ.ശി എന്ന വെബ്‌സൈറ്റിലും ലഭ്യമാണ്.