ദമാം: കിഴക്കൻ സഊദിയിൽ വ്യാവസാസിക നഗരിയായ അൽ ജുബൈലിൽ വാഹനാപകടത്തിൽ ഇന്ത്യൻ സ്‌കൂൾ വിദ്യാർത്ഥികൾ മരിച്ചു. ജുബൈൽ ഇന്ത്യൻ സ്‌കൂൾ പത്താം ക്ലാസ് വിദ്യാർത്ഥികളായ മുംബൈ സ്വദേശി ശർമയുടെ മകൻ മകൻ ക്രിഷ്​ ശർമ (15), ഡൽഹി മുസാഫർ നഗർ സ്വദേശി അബ്​ദുല്ലയുടെ മകൻ മോയിൻ അബ്​ദുല്ല (15) മോയിൻ എന്നിവരാണ്​ വ്യാഴാഴ്ച്ച ഉച്ചക്ക് ജുബൈൽ നേവൽ ബസിനു സമീപം നടന്ന അപകടത്തിൽ മരിച്ചത്. സംഭവ ദിവസം ക്രിഷ് ശർമ്മ സ്‌കൂളിൽ പോയിരുന്നില്ല. അടുത്ത വീട്ടിലെ കാർ എടുത്ത്​ സുഹൃത്ത്​ മോയിൻ അബ്‌ദുള്ളയോടൊപ്പം പോയതായിരുന്നു. നേവൽ ബേസിനു സമീപം ഇവർ കാർ നിയന്ത്രണംവിട്ട്​ പോസ്​റ്റിൽ ഇടിക്കുകയായിരുന്നു. ഇടിയുടെ ആഘാതത്തിൽ വാഹനം പൂർണമായി തകർന്നു. ജുബൈൽ ജനറൽ ആശുപത്രിയിൽ സൂക്ഷിച്ച മൃതുദേഹങ്ങൾ നടപടികൾ പൂർത്തിയാക്കി വരികയാണ്.