ന്യൂഡല്‍ഹി: രാജസ്ഥാനെ അശോക് ഗെഹ്‌ലോട്ട് നയിക്കുമെന്ന് സൂചന. ഔദ്യോഗിക പ്രഖ്യാപനം ഉടനെയുണ്ടാകും. പരിചയ സമ്പന്നതയാണ് ഗെഹ്‌ലോട്ടിന് അനുകൂലമായത്. രാഹുലുമായി ഗെഹ്‌ലോട്ടും സച്ചിന്‍ പൈലറ്റും നടത്തിയ കൂടിക്കാഴ്ചയിലാണ് തീരുമാനം. പിന്നാലെ അശോക് ഗെലോട്ട് രാജസ്ഥാനിലേക്ക് തിരിച്ചതായാണ് റിപ്പോര്‍ട്ട്.

മൂന്ന് മുഖ്യമന്ത്രിമാരേയും ഉടന്‍ പ്രഖ്യാപിക്കുമെന്ന് രാഹുല്‍ഗാന്ധി രാവിലെ വ്യക്തമാക്കിയിരുന്നു. ഇതിനായി എം.എല്‍.എമാരുടേയും പ്രവര്‍ത്തകരുടേയും അഭിപ്രായം തേടിയെന്നും രാഹുല്‍ ഗാന്ധി പറഞ്ഞിരുന്നു. മൂന്നു സംസ്ഥാനങ്ങളിലും ഇന്നുതന്നെ പ്രഖ്യാപനമുണ്ടാകുമെന്ന് രാജസ്ഥാനിലെ ഹൈക്കമാന്റ് നിരീക്ഷകനായ കെ.സി വേണുഗോപാലും ആവര്‍ത്തിച്ചു.

മധ്യപ്രദേശില്‍ പി.സി.സി അധ്യക്ഷന്‍ കമല്‍നാഥിനാണ് മേല്‍ക്കൈ. ഛത്തീസ്ഗഡില്‍ പി സി സി അധ്യക്ഷന്‍ ഭുപേഷ് ഭാഗലിനാണ് സാധ്യത.