ചിറ്റൂര്‍: ആന്ധ്രാപ്രദേശിലെ ചിറ്റൂരില്‍ ബസ് അപകടത്തില്‍പ്പെട്ട്  നാലു സ്‌പെയിന്‍ പൗരന്മാരടക്കം അഞ്ചു മരണം. സ്‌പെയിന്‍കാരുമായി പുതുച്ചേരിയില്‍ നിന്ന് അനന്തപുരത്തേക്ക് യാത്ര ചെയ്യുകയായിരുന്ന മിനി ടൂറിസ്റ്റ് ബസ് കണ്ടെയ്‌നറിലിടിക്കുകയായിരുന്നു.

ബസിലുണ്ടായിരുന്ന നാല് സ്‌പെയിന്‍ പൗരന്മാരും ഡ്രൈവറുമാണ് മരിച്ചത്. സ്‌പെയിനിലെ ഒരു ട്രസ്റ്റിന്റെ കീഴില്‍ അനന്തപുരം ജില്ലയില്‍ ഗ്രാമ വികസന പദ്ധതികള്‍ ആസൂത്രണം ചെയ്യുന്നുണ്ട്. ഇതിന്റെ ഭാഗമായി ഇവിടെ സന്ദര്‍ശിക്കാനെത്തിയ സംഘമാണ് അപകടത്തില്‍പ്പെട്ടത്.