കൊച്ചി: കൊച്ചി അന്താരാഷ്ട്ര വിമാനത്താവളത്തില്‍ വീണ്ടും സ്വര്‍ണവേട്ട. ഒന്നേകാല്‍ കോടി രൂപ വിലവരുന്ന സ്വര്‍ണവുമായാണ് മൂന്നുപേര്‍ അറസ്റ്റിലായത്. കോഴിക്കോട്, മലപ്പുറം സ്വദേശികളെയാണ് എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടിയത്.

അനധികൃതമായി കടത്താന്‍ ശ്രമിച്ച മൂന്നേമുക്കാല്‍ കിലോ സ്വര്‍ണമാണ് ഇവരില്‍ നിന്ന് പിടിച്ചെടുത്തത്. ക്യാപ്‌സൂള്‍ രൂപത്തിലും പേസ്റ്റ് രൂപത്തിലുമാണ് ഇവര്‍ സ്വര്‍ണം കടത്താന്‍ ശ്രമിച്ചത്.