തിരുവനന്തപുരം: സ്‌കൂള്‍ പാഠപുസ്തകങ്ങളുടെ രണ്ടാംഘട്ട വിതരണം നാളെ മുതല്‍ ആരംഭിക്കുമെന്ന് വിദ്യാഭ്യാസമന്ത്രിയുടെ ഓഫിസ് അറിയിച്ചു. പാഠപുസ്തകങ്ങളുടെ ഭാരം ലഘൂകരിക്കുന്നതിനുവേണ്ടിയാണ് ഈവര്‍ഷം മുതല്‍ മൂന്നു വാല്യങ്ങളിലായി പാഠപുസ്തകങ്ങള്‍ അച്ചടിക്കാന്‍ തീരുമാനിച്ചത്. 

സ്‌കൂള്‍ തുറക്കുന്നതിനു മുന്‍പുതന്നെ ഒന്നാംഘട്ട വിതരണം പൂര്‍ത്തിയാക്കിയിരുന്നു. ഓണപ്പരീക്ഷക്ക് മുന്‍പുതന്നെ രണ്ടാംഘട്ട വിതരണം പൂര്‍ത്തിയാക്കുന്നതിനാണ് വിദ്യാഭ്യാസ വകുപ്പ് ലക്ഷ്യമിടുന്നത്. മൂന്നാംഘട്ട പാഠപുസ്തകങ്ങള്‍ ക്രിസ്മസ് പരീക്ഷക്ക് മുന്‍പ്തന്നെ വിതരണം ചെയ്യുന്നതിനുള്ള തയാറെടുപ്പുകളും പൂര്‍ത്തിയായതായി വിദ്യാഭ്യാസ വകുപ്പ് മന്ത്രിയുടെ ഓഫിസ് അറിയിച്ചു.