പൈനാവ്: വായനാപക്ഷാചരണത്തോടനുബന്ധിച്ച് ജില്ലാ ഭരണകൂടം, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, വിദ്യാഭ്യാസ വകുപ്പ് എന്നിവ സംയുക്തമായി നടത്തിയ ജില്ലാതല ക്വിസ്, കവിതാലാപന മത്സരങ്ങളില്‍ വിജയികളായവര്‍ക്ക് ജില്ലാ കലക്ടര്‍ ജി.ആര്‍ ഗോകുല്‍ കാഷ് അവാര്‍ഡും സര്‍ട്ടിഫിക്കറ്റുകളും വിതരണം ചെയ്തു.
ക്വിസ് മത്സരത്തില്‍ ഒന്നാം സ്ഥാനം നേടിയ വന്ദന ബി.ആര്‍ ശങ്കര്‍ (സെന്റ് തോമസ് ഇ.എം.എച്ച്.എസ്, അട്ടപ്പള്ളം), രണ്ടാം സ്ഥാനം നേടിയ അനസൂയ സി. സുധന്‍ (ജയ്‌റാണി ഇ.എം.എച്ച്.എസ്, തൊടുപുഴ),
മൂന്നാം സ്ഥാനം നേടിയ അനുശ്രീ അനില്‍കുമാര്‍ ( ഗാന്ധിജി ഇ.എം.എച്ച്.എസ്, ശാന്തിഗ്രാം) കവിതാലാപനം സീനിയര്‍ വിഭാഗത്തില്‍ ഒന്നാം സ്ഥാനം നേടിയ മാളവിക .ആര്‍ (സെന്റ് തോമസ് ഇ.എം.എച്ച്.എസ് അട്ടപ്പള്ളം), രണ്ടാം സ്ഥാനം നേടിയ ഹന്ന കരോള്‍ ടോം ( എസ്.ജി.എച്ച്.എസ് പാറത്തോട്),
മൂന്നാം സ്ഥാനം നേടിയ നന്ദന പത്മകുമാര്‍ (സെന്റ് തോമസ് എച്ച്.എസ്, ചിന്നാര്‍), കവിതാലാപനം ജൂനിയര്‍ വിഭാഗത്തില്‍ ഒന്നാം സ്ഥാനം നേടിയ ഹെലന്‍ മരിയ റോബര്‍ട്ട് ( എസ്.ജി.യു,പി.എസ്, വാഴത്തോപ്പ്), രണ്ടാം സ്ഥാനം നേടിയ അലന്‍ ടിനു സാജു (ഗാന്ധിജി ഇ.എം.എച്ച്.എസ് , ശാന്തിഗ്രാം) എന്നിവര്‍ കലക്ടറില്‍ നിന്നും കാഷ് അവാര്‍ഡും സര്‍ട്ടിഫിക്കറ്റും ഏറ്റുവാങ്ങി.