കൊച്ചി: ഹര്‍ത്താലില്‍ വലഞ്ഞ അയ്യപ്പഭക്തന്മാര്‍ക്ക് പ്രഭാതഭക്ഷണവുമായി കൊച്ചി സിറ്റി പൊലിസ്. സൗത്ത് റെയില്‍വേ സ്റ്റേഷനിലെത്തിയ ഇതരസംസ്ഥാന ഭക്തര്‍ക്ക് ഉള്‍പ്പടെ പൊലിസ് സേവനം സഹായകമായി. കൊച്ചി നഗരത്തിലെ ക്രമസമാധാനപാലന ചുമതലയുള്ള പൊലിസ് ഉദ്യോഗസ്ഥരെല്ലാം സൗത്ത് റെയില്‍വേ സ്റ്റേഷനില്‍ ഇന്ന് ഒരുമിച്ചെത്തി. തമിഴ്‌നാട്, ആന്ധപ്രദേശ് എന്നിവടങ്ങളില്‍ നിന്ന് ദീര്‍ഘദൂര ട്രെയിനികളിലെത്തിയ അയ്യപ്പഭക്തരെ സ്വാഗതം ചെയ്യാനായിരുന്നു പൊലിസ് സന്നാഹം. പിന്നാലെ വണ്ടി തുറന്ന് ഭക്ഷണപൊതികളെടുത്ത് ഓരോരുത്തര്‍ക്കായി നല്‍കി. പൊലിസിന്റെ സേവനത്തില്‍ അയ്യപ്പഭക്തര്‍ക്കും സന്തോഷം. കൊച്ചിയിലെ പോലിസുകാര്‍ക്കിടയില്‍ നിന്ന് ശേഖരിച്ച പണമുപയോഗിച്ചാണ് പൊലിസ് കാന്റീനില്‍ തയ്യാറാക്കി ഭക്ഷണം വിതരണം ചെയ്തത്.