കായംകുളം: സ്‌കൂള്‍ കേന്ദ്രീകരിച്ച് വില്‍പന നടത്താന്‍ എത്തിച്ച രണ്ട് കിലോ കഞ്ചാവുമായി അഞ്ച് യുവാക്കള്‍ പിടിയില്‍. വള്ളികുന്നം മലവിള വടക്കതില്‍ സഞ്ചു (28), വളളികുന്നം നടുവിലെ വടക്കതില്‍ അര്‍ജ്ജുന്‍ ( 28), വള്ളികുന്നം കൊച്ചുവിള പടിറ്റതില്‍ നസീര്‍ (32), താമരക്കുളം തറയില്‍വടക്കതില്‍ സുനു (28), കായംകുളം സ്വദേശി ബിസ്മിനമന്‍സില്‍ ബുനാ ഷ് ഖാന്‍ (28) തുടങ്ങിയ സംഘത്തെ വള്ളികുന്നം പോലിസ് പിടികൂടിയത്.
കഴിഞ്ഞ ദിവസം പൊലിസ് നടത്തിയ തിരച്ചലില്‍ ഇലിപ്പക്കുളം മങ്ങാരം ജങ്ഷന് സമീപം വച്ച് രാത്രി എട്ട് മണിയോടെവള്ളികുന്നം സബ്ബ് ഇന്‍സ്പക്ടര്‍ അനീഷിന്റെ നേതൃത്വത്തിലാണ് പ്രതികളെ പിടികൂടിയത്. ഇവര്‍ നിരവധി ക്രിമിനല്‍ കേസുകളിലെ പ്രതികളാണ്.