സൂറത്ത്: സഞ്ജു സാംസണിന്റെ മികച്ച ബാറ്റിങ്ങിനും കേരളത്തെ രക്ഷിക്കാനായില്ല. ശക്തമായ പോരാട്ടത്തിനൊടുവില്‍ കേരളം ഗുജറാത്തിന് മുന്നില്‍ അടിയറവ് പറഞ്ഞു. ഗുജറാത്തിനോട് 90 റണ്‍സിന്റെ കനത്ത പരാജയമാണ് കേരളം ഏറ്റുവാങ്ങിയത്. കേരളത്തിന്റെ തുടര്‍ച്ചയായ രണ്ട@ാം തോല്‍വിയാണിത്. തൊട്ടുമുമ്പത്തെ മത്സരത്തില്‍ ബംഗാളിനോടും കേരളം പരാജയപ്പെട്ടിരുന്നു.

ഗുജറാത്തിനെതിരേ 268 റണ്‍സിന്റെ വിജയലക്ഷ്യവുമായി ഇറങ്ങിയ കേരളം രണ്ട@ാമിന്നിങ്‌സില്‍ 177 റണ്‍സിനു കൂടാരം കയറി. സഞ്ജുവിന്റെ (78) വണ്‍മാന്‍ ഷോയാണ് കേരളത്തിന്റെ തോല്‍വി ഭാരം കുറച്ചത്. നിശ്ചിത ഓവര്‍ മത്സരത്തിന്റെ ശൈലിയില്‍ ബാറ്റ് വീശിയ സഞ്ജു 82 പന്തില്‍ എട്ടു ബൗണ്ട@റികളും ഒരു സിക്‌സറുമടക്കമാണ് 78 റണ്‍സുമായി ടോപ്‌സ്‌കോററായത്. ജലജ് സക്‌സേന (29), വിഷ്ണു വിനോദ് (23) എന്നിവരാണ് കേരള നിരയില്‍ 20ന് മുകളില്‍ നേടിയ മറ്റു താരങ്ങള്‍. നാലു വിക്കറ്റെടുത്ത അക്‌സര്‍ പട്ടേലും മൂന്നു വിക്കറ്റ് വീഴ്ത്തിയ സി.ടി ഗജയും ചേര്‍ന്നാണ് കേരളത്തിന്റെ അടിവേരറുത്തത്.

നേരത്തേ 57 റണ്‍സിന്റെ ഒന്നാമിന്നിങ്‌സ് ലീഡുമായി ഇറങ്ങിയ ഗുജറാത്ത് രണ്ട@ാമിന്നിങ്‌സില്‍ 210ന് പുറത്താവുകയായിരുന്നു. എം.സി ജുനേജയുടെയും (53) വാലറ്റത്ത് സി ടി ഗജയുടെ (50) ഇന്നിങ്‌സുകളാണ് ഗുജറാത്തിനെ മോശമല്ലാത്ത സ്‌കോറിലെത്തിച്ചത്. കേരളത്തിനു വേ@ണ്ടി ബേസില്‍ തമ്പി അഞ്ചു വിക്കറ്റുമായി മിന്നിയപ്പോള്‍ ജലജ് സക്‌സേന മൂന്നു വിക്കറ്റെടുത്തു. ടോസ് നഷ്ടപ്പെട്ട് ബാറ്റിങിനിയക്കപ്പെട്ട ഗുജറാത്തിനെ കേരള ബൗളര്‍മാര്‍ ആദ്യ ഇന്നിങ്‌സില്‍ 127നു എറിഞ്ഞൊതുക്കിയിരുന്നു. മറുപടിയില്‍ ഗുജറാത്തും ഇതേ നാണയത്തില്‍ തിരിച്ചടിച്ചതോടെ കേരളം തരിപ്പണമായി. വെറും 70 റണ്‍സിനു കേരളം കൂടാരത്തില്‍ തിരിച്ചെത്തുകയായിരുന്നു.