ദമാം: "ഇന്ത്യ മരിക്കരുത് നമുക്ക് ജീവിക്കണം" എന്ന പ്രമേയത്തിൽ സമസ്‌ത ഇസ്‌ലാമിക് സെന്റർ സഊദി നാഷണൽ കമ്മിറ്റിയുടെ ആഹ്വാനം അനുസരിച്ച് സമസ്‌ത ഇസ്‌ലാമിക് സെന്റർ അൽകോബാർ സെൻട്രൽ കമ്മിറ്റിപൗരത്വ സംരക്ഷണ സമ്മേളനം സംഘടിപ്പിച്ചു. എസ് ഐ സി ഈസ്റ്റേൺ പ്രോവിൻസ് കമ്മിറ്റി ചെയര്‍മാൻ സയ്യിദ് സൈനുൽ ആബിദ് തങ്ങൾ മൊഗ്രാൽ ഉദ്ഘാടനം ചെയ്‌തു.  എസ് ഐ സി പ്രസിഡൻറ് അബ്‌ദുന്നാസർ ദാരിമി കമ്പിൽ അദ്ധ്യക്ഷത വഹിച്ചു.

"ഇന്ത്യ മരിക്കരുത് നമുക്ക് ജീവിക്കണം" എന്ന പ്രമേയത്തിൽ  നടന്ന സമ്മേളനത്തിൽ നാഷണൽ കമ്മിറ്റി വൈസ് പ്രസിഡന്റ് ബഷീർ ബാഖവി പ്രമേയ പ്രഭാഷണം നടത്തി "ഇന്ത്യാ രാജ്യത്തിന്റെ മഹത്തായ ഭരണ ഘടനാവകാശത്തെ ഇല്ലാതാക്കുകയും ഇന്ത്യൻ ജനതയെ ഭയപ്പെടുത്തി ഭരിക്കുകയും ചെയ്യുന്ന  ഫാഷിസ്റ്റ് നയങ്ങൾക്കെതിരെ ജാതിമത ഭേദമന്യേ  മുഴുവൻ പൗരൻമാരും ഒറ്റക്കെട്ടായി പ്രവത്തിക്കണമെന്നും ഒരു വിഭാഗത്തിന്റെ പ്രശ്‌നമായി മാത്രം കരുതാതെ ഇന്ത്യൻ ഭരണ ഘടനക്കെതിരെയുള്ള ഭരണകൂട ഫാസിസ്റ്റുകളുടെ കടന്നു കയറ്റത്തിനെതിരെയുള്ള പ്രതിഷേധമായി കരുതി പ്രവര്‍ത്തിക്കണമെന്നും സമ്മേളനം ആവശ്യപ്പെട്ടു.   

ഇഖ്ബാൽ ആനമങ്ങാട് പ്രതിജ്ഞ ചൊല്ലി കൊടുത്തു. വിവിധ സംഘടനകളെ പ്രതിനിധീകരിച്ച് സൈനുൽ ആബിദ് സുഹ്‌രി (ഐ.സി.എഫ്), നജീബ്. പി. കെ. (ഒ ഐ സി സി), സിദ്ദീഖ് പാണ്ടികശാല (കെ എം സി സി), എന്നിവർ സംസാരിച്ചു. അബ്‌ദുറഹ്‌മാൻ മൗലവി, സയ്യിദ് അലി അക്ബർ തങ്ങൾ, മുഹമ്മദ് പുതുക്കുടി, സയ്യിദ് യഹിയ തങ്ങൾ, മുഹമ്മദ് ഷാജി, അബ്ദുൽ റസാഖ് ഓണന്ത, അഷ്‌റഫ് മൊറയൂർ, സുബൈർ പട്ടാമ്പി എന്നിവർ നേതൃത്വം നൽകി. ജനറൽ സെക്രട്ടറി മുസ്‌തഫ പൂക്കാടൻ സ്വാഗതവും  വർക്കിംഗ് സെക്രട്ടറി അബ്ദുൽ റഹ്മാൻ ഉദുമ നന്ദിയും പറഞ്ഞു.