പുതുക്കാട്: വരന്തരപ്പിള്ളി പഞ്ചായത്തില്‍ ഇതര സംസ്ഥാന തൊഴിലാളികളില്‍ രണ്ടുപേര്‍ക്കുകൂടി കുഷ്ഠരോഗ ലക്ഷണങ്ങള്‍ കണ്ടെത്തി. ഇവരെ വിദഗ്ധ ചികിത്സയ്ക്കായി ജില്ലാ ആശുപത്രിയില്‍ പ്രവേശിപ്പിച്ചു. കഴിഞ്ഞ അഞ്ചിന് നടത്തിയ പരിശോധനയില്‍ നാല് പേര്‍ക്ക് രോഗലക്ഷണങ്ങള്‍ കണ്ടെത്തിയിരുന്നു. ഇതില്‍ ഒരാള്‍ക്ക് മന്തുരോഗം സ്ഥിരീകരിച്ചു. കുഷ്ഠരോഗ ലക്ഷണങ്ങള്‍ കണ്ടെത്തിയ ഒരാള്‍ ഇപ്പോഴും നിരീക്ഷണത്തിലാണ്.
ഇയാളുടെ മെഡിക്കല്‍ പരിശോധന ഫലം എത്തി രോഗം സ്ഥിരീകരിച്ചാല്‍ ചികിത്സ ഉടന്‍ ആരംഭിക്കുമെന്ന് ആരോഗ്യ വകുപ്പ് ഉദ്യോഗസ്ഥര്‍ അറിയിച്ചു.
കുഷ്ഠരോഗ നിര്‍മാര്‍ജന പരിപാടി അശ്വമേധത്തിന്റെ ഭാഗമായി വരന്തരപ്പിള്ളി പഞ്ചായത്ത് പ്രാഥമികാരോഗ്യ കേന്ദ്രത്തില്‍ ഇതര സംസ്ഥാന തൊഴിലാളികള്‍ക്കായി കഴിഞ്ഞ ദിവസം നടത്തിയ സൂക്ഷ്മ പരിശോധന ക്യാംപില്‍ 96 പേര്‍ പങ്കെടുത്തു. ഇതില്‍ രണ്ടുപേര്‍ക്കാണ് രോഗ ലക്ഷണങ്ങള്‍ കണ്ടെത്തിയത്.
പഞ്ചായത്തംഗം ബിജു കുന്നേല്‍, ഹെല്‍ത്ത് ഇന്‍സ്‌പെക്ടര്‍ പ്രേമ, നിഖില്‍ മോഹന്‍, ബൈജു, സിന്ധു എന്നിവര്‍ നേതൃത്വം നല്‍കി.