വാഷിങ്ടണ്‍: പിതാവ് ഡൊണാള്‍ഡ് ട്രംപ് വീണ്ടും യു.എസ് പ്രസിഡന്റായി തെരഞ്ഞെടുക്കപ്പെട്ടാല്‍ താന്‍ ഭരണവിഭാഗം ഉപദേശകയായി വൈറ്റ്ഹൗസില്‍ തുടരാന്‍ സാധ്യതയില്ലെന്ന് ഇവാന്‍ക ട്രംപ്. മൂന്നു മക്കളുള്ള തന്റെ കുടുംബകാര്യങ്ങള്‍ ശ്രദ്ധിക്കുന്നതിനു വേണ്ടിയാണിതെന്ന് അവര്‍ സി.ബി.എസിനോടു പറഞ്ഞു.
ട്രംപിന്റെ മുതിര്‍ന്ന ഉപദേശകനായ ജറാഡ് കുഷ്‌നറാണ് ഇവാന്‍കയുടെ ഭര്‍ത്താവ്. മക്കളാണ് തന്നെ നയിക്കുന്നതെന്നും അവരുടെ സന്തോഷമാണ് തനിക്ക് എല്ലാമെന്നും ഇവാന്‍ക തുടര്‍ന്നു. 38കാരിയായ ഇവാന്‍ക ഫാഷന്‍ ഡിസൈനര്‍ കൂടിയാണ്.