സിഡ്‌നി: ആസ്‌ത്രേലിയന്‍ ക്രിക്കറ്റ് താരമായിരുന്ന പീറ്റര്‍ സിഡില്‍ അന്താരാഷ്ട്ര ക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ചു. 67 ടെസ്റ്റ് മത്സരങ്ങളില്‍നിന്ന് 221 വിക്കറ്റുകള്‍ വീഴ്ത്തിയ ഫാസ്റ്റ് ബൗളറാണ് സിഡില്‍. ഇന്നലെ മെല്‍ബണ്‍ ക്രിക്കറ്റ് മൈതാനത്തുവച്ചാണ് 35 കാരനായ സിഡില്‍ തീരുമാനം അറിയിച്ചത്. വിരമിക്കാനുള്ള ശരിയായ സമയം ഇതാണെന്ന് സിഡില്‍ പറഞ്ഞു.
അന്താരാഷ്ട്ര ക്രിക്കറ്റില്‍നിന്ന് വിരമിച്ചെങ്കിലും ആഭ്യന്തര ക്രിക്കറ്റില്‍ തുടരുമെന്ന് സിഡില്‍ വ്യക്തമാക്കി. ബിഗ്ബാഷ് ലീഗില്‍ അഡ്‌ലെയ്ഡ് സ്‌ട്രൈക്കേഴ്‌സിനായാണ് സിഡില്‍ കളിക്കുന്നത്. വിക്ടോറിയ സംസ്ഥാനത്തിനുവേ@ണ്ടിയും ആഭ്യന്തര മത്സരങ്ങളില്‍ കളിക്കും. ഇംഗ്ലീഷ് കൗ@ണ്ടിയില്‍ എസ്സക്‌സിന്റെ താരം കൂടിയാണ്. കൗണ്ട@ിയിലും കളിതുടരുമെന്ന് സിഡില്‍ പറഞ്ഞു. ആസ്‌ത്രേലിയക്ക് വേണ്ടി 2008ലായിരുന്നു അരങ്ങേറ്റം. ക്രിക്കറ്റ് ഇതിഹാസം സച്ചിന്‍ ടെ@ണ്ടുല്‍ക്കറെ പുറത്താക്കിയാണ് വിക്കറ്റ് വേട്ടയ്ക്ക് തുടക്കമിട്ടത്. 2010ലെ ആഷസ് ടെസ്റ്റില്‍ ഹാട്രിക് നേടി ഈ നേട്ടത്തിലെത്തുന്ന ഒന്‍പതാമത്തെ ആസ്‌ത്രേലിയന്‍ കളിക്കാരനുമായി. പരുക്ക് വില്ലനായതിനെ തുടര്‍ന്ന് സിഡിലിന് ഒട്ടേറെ മത്സരങ്ങള്‍ നഷ്ടപ്പെട്ടിരുന്നു.