വളാഞ്ചേരി: മാലിന്യത്തില്‍നിന്ന് സ്വാതന്ത്ര്യം എന്ന കാംപയിന്റെ ഭാഗമായി വളാഞ്ചേരി നഗരസഭയിലെ കൊളമംഗലം കടുങ്ങാട് ഡിവിഷനിലെ ഗൃഹതല സന്ദര്‍ശനത്തിന് തുടക്കമായി.
കുടുംബശ്രീ പ്രവര്‍ത്തകര്‍, സാമൂഹിക സാംസ്‌കാരിക സംഘടന പ്രവര്‍ത്തകര്‍, സന്നദ്ധ യുവജന സംഘടനകളുടെ പ്രവര്‍ത്തകര്‍ എന്നിവരുടെ നേതൃത്വത്തില്‍ രണ്ട് ദിവസങ്ങളിലായി നടക്കുന്ന കാംപയിന്റെ ഉദ്ഘാടനം വാര്‍ഡ് വികസന സമിതി ചെയര്‍മാന്‍ ടി.കെ.ആബിദലിയുടെ വീട്ടില്‍ നിന്നും വിവരങ്ങള്‍ ശേഖരിച്ച് കൊണ്ട് ഡിവിഷന്‍ കൗണ്‍സിലര്‍ കെ ഫസീല നാസര്‍ നിര്‍വഹിച്ചു.
യു മുഹമ്മദ് അലി മാസ്റ്റര്‍, നൂറുല്‍ ആബിദീന്‍ നാലകത്ത്, ശ്രീജ, മാജി, എന്‍ സൈനുല്‍ ആബിദ്, സി.കെ അബ്ദുല്‍ ഹയ്യ്, കെ നാസര്‍, ഹൈദര്‍ വലിയപീടിയേക്കല്‍ സംസാരിച്ചു.