ആറ്റിങ്ങല്‍: എല്ലാ മതങ്ങളുടെയും അര്‍ത്ഥവും ആശയവും ഉള്‍ക്കൊണ്ട സവിശേഷ പാരമ്പര്യമാണ് ഇന്ത്യയുടെതെന്നും ഈ രാജ്യത്തിന്റെ ബഹുസ്വരത കാത്തു സൂക്ഷിക്കേണ്ട ഉത്തരവാദിത്ത്വം എല്ലാ മതങ്ങള്‍ക്കുമുണ്ടെന്നും മന്ത്രി കെ.ടി. ജലീല്‍ പറഞ്ഞു.
വാളക്കാട് ജാമി ഉല്‍ ഖൈറാത്ത് അറബിക് കോളജ് ആന്‍ഡ് യത്തീംഖാനയുടെ ബിരുദാനത്തിന്റെയും മഹാ സമ്മേളനത്തിന്റെയും ഉദ്ഘാടനം നിര്‍വഹിച്ചു പ്രസംഗിക്കുകയയിരുന്നു അദ്ദേഹം. എല്ലാ വിശ്വാസങ്ങളെയും പ്രത്യയ ശാസ്ത്രങ്ങളെയും പരസ്പരം ബഹുമാനിക്കുന്ന സംസ്‌കാരമാണ് നൂറ്റാണ്ടുകളായി നിലനില്‍ക്കുന്നത്. ഇതിന് ഭംഗം വരുത്താന്‍ പാടില്ല മന്ത്രി പറഞ്ഞു. മന്നാനിയ ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി അധ്യക്ഷനായി. അസ്സെയ്ദ് ബാ അലവി തങ്ങള്‍ എം. എ. ലത്തീഫ് ഹാജി, മുഹമ്മദ് ഇദ്രീസ് ഷാഫി, ഡോ. ബഷീര്‍ മൗലവി കുന്നിക്കോട്, വെഞ്ഞാറമൂട് അബ്ദുല്‍ സലാം സാഹിബ് തുടങ്ങിയവര്‍ പ്രസംഗിച്ചു.