പട്ടിക്കാട്: വിജ്ഞാനത്തിന്റെ പ്രഭ കൊണ്ട് ആത്മീയ ലോകത്ത് തിളങ്ങിയ ജ്യോതിസായിരുന്നു ശംസുല്‍ ഉലമ ഇ.കെ അബൂബക്കര്‍ മുസ്‌ലിയാരെന്ന് സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ പറഞ്ഞു.പട്ടിക്കാട് ജാമിഅ നൂരിയ്യയില്‍ നൂറുല്‍ ഉലമ സംഘടിപ്പിച്ച ശംസുല്‍ ഉലമാ ഉറൂസും ജീലാനി അനുസ്മരണവും ഉദ്ഘാടനം ചെയ്യുകയായിരുന്നു അദ്ദേഹം. ശംസുല്‍ ഉലമയുടെ ദീര്‍ഘ വീക്ഷണത്തിന്റെ പ്രതിഫലനമാണ് കേരള മുസ്‌ലിംകളുടെ മതപരമായ പുരോഗതി എന്നും അദ്ദേഹം അനുസ്മരിച്ചു.
കോട്ടുമല മുഹ്‌യുദ്ദീന്‍ കുട്ടി മുസ്‌ലിയാര്‍ അധ്യക്ഷനായി. ഹംസ ഫൈസി ഹൈത്തമി,സുലൈമാന്‍ ഫൈസി ചുങ്കത്തറ, മുഹമ്മദലി ശിഹാബ് ഫൈസി കൂമണ്ണ, ഉമര്‍ ഫൈസി കൂമണ്ണ, ഖാരിഅ് അബ്ദുല്‍ റസാഖ് മുസ്‌ലിയാര്‍,പുത്തനഴി മൊയ്തീന്‍ ഫൈസി, ഉബൈദുല്ല കമാലി,അബ്ദുല്ല മാണിയൂര്‍, ആഷിഖ് നിസാമി കവരത്തി, റാഷിദ് വെള്ളുവങ്ങാട്,സയ്യിദ് ത്വാഹാ തങ്ങള്‍, സിദ്ദീഖ് പഴയന്നൂര്‍ സംസാരിച്ചു.