കൊണ്ടോട്ടി: മന്ത്രി കെ.ടി ജലീലിനു നേരെ കരിപ്പൂരില്‍ കരിങ്കൊടി കാണിച്ച് പ്രതിഷേധിച്ച എട്ട് പേര്‍ക്കെതിരേ കരിപ്പൂര്‍ പൊലിസ് കേസെടുത്തു.
വള്ളിക്കുന്ന് മണ്ഡലം മുസ്‌ലിം യൂത്ത് ലീഗ് പ്രസിഡന്റ് സി.അസീസ് കരിപ്പൂര്‍, അലി അസ്‌ക്കര്‍, ഷഫീഖ്, പി.എ അലി, മുഹമ്മദുണ്ണി, മുഹമ്മദ് മുസ്തഫ, ടി.പി മുഹമ്മദ് കബീര്‍ എന്നിവര്‍ക്കെതിരെയാണ് പൊലിസ് കേസെടുത്തത്.
സംഭവ ദിവസം ഇ.എം.ഇ.എ കോളജ് യു.യു.സി സഫ്‌വാന്‍ ഇല്ലിക്കലിനെ പൊലിസ് അറസ്റ്റ് ചെയ്തിരുന്നു. ഇയാള്‍ റിമാന്‍ഡിലാണ്. ജനാധിപത്യ രീതിയില്‍ സമാധാനപരമായി പ്രതിഷേധിച്ച യൂത്ത് ലീഗ് പ്രവര്‍ത്തകര്‍ക്കെതിരെ പൊലിസ് ആസൂത്രിതമായി കേസെടുത്ത് ഭീഷണിപ്പെടുത്തുന്നത് അവസാനിപ്പിക്കണമെന്ന് പള്ളിക്കല്‍ പഞ്ചായത്ത് മുസ്‌ലിം യൂത്ത് ലീഗ് ആവശ്യപ്പെട്ടു.
പി. ഷാഫി,മുസ്തഫ പള്ളിക്കല്‍, ടി. മൂസക്കുട്ടി, വി. ഷബീര്‍ അലി സംസാരിച്ചു.