മനാമ: പ്രമുഖ സൂഫി വര്യനും പണ്ഢിതനുമായ ശൈഖുനാ അത്തിപ്പറ്റ ഉസ്താദിന്‍റെ  (മുഹ് യുദ്ധീന്‍ കുട്ടി മുസ്ല്യാര്‍)  നിര്യാണത്തില്‍ സമസ്ത ബഹ്റൈന്‍ - എസ്.കെ.എസ്.എസ്.എഫ്, ജംഇയ്യത്തുല്‍ മുഅല്ലിമീന്‍, എന്നീ സംഘടനകള്‍ അനുശോചിച്ചു.

 

അത്തിപ്പറ്റ ഉസ്താദിന് വേണ്ടി ബഹ്റൈനിലെ മുഴുവന്‍ സമസ്ത മദ്റസകളിലും ഇന്ന് പ്രത്യേക പ്രാര്‍ത്ഥന നടത്തണമെന്ന് സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍ ആഹ്വാനം ചെയ്തു.

 

കൂടാതെ നാളെ (വ്യാഴാഴ്ച) ബഹ്റൈനിലെ എല്ലാ ഏരിയാ കേന്ദ്രങ്ങളിലും വാരാന്ത സ്വലാത്ത് മജ് ലിസിനോടനുബന്ധിച്ച് മയ്യിത്ത് നിസ്കാരവും പ്രത്യേക പ്രാര്‍ത്ഥന നടത്താനും തങ്ങള്‍ ആഹ്വാനം ചെയ്തിട്ടുണ്ട്. ഇന്ന് (19ന് ബുധനാഴ്ച) രാത്രി 8.30ന് മനാമയിലെ സമസ്ത ബഹ്റൈന്‍ കേന്ദ്ര ആസ്ഥാനത്ത്  ഖത്മുല്‍ ഖുര്‍ആനും പ്രാര്‍ത്ഥനാ സദസ്സും ഒരുക്കിയിട്ടുണ്ട്.