പേരാമ്പ്ര: കുറ്റ്യാടി- കോഴിക്കോട് റൂട്ടില്‍ സര്‍വിസ് നടത്തുന്ന സ്വകാര്യ ബസ് തൊട്ടില്‍പാലം കോഴിക്കോട് റൂട്ടിലോടുന്ന ലോ ഫ്‌ളോര്‍ ബസിലിടിച്ച കേസില്‍ ഡ്രൈവര്‍ അറസ്റ്റില്‍. മത്സര ഓട്ടത്തിനിടെ ഞായറാഴ്ച 7.30 ന് പേരാമ്പ്ര ബസ് സ്റ്റാന്‍ഡില്‍ വച്ചാണ് അജ്‌വ ബസ് ഇടിച്ചത്. ലോഫ്‌ളോര്‍ ബസിന്റെ കണ്ടക്ടര്‍ ലിജു നല്‍കിയ പരാതിയിലാണ് ഡ്രൈവര്‍ സത്യനെ അറസ്റ്റ് ചെയ്തത്. എന്നാല്‍ കഴിഞ്ഞ വെള്ളിയാഴ്ച ഉച്ചയ്ക്ക് 2.30 ന് സംസ്ഥാനപാതയില്‍ കൈതക്കല്‍വെച്ച് അജ്‌വ ഗ്രൂപ്പിന്റെ മറ്റൊരു ബസ് ഓട്ടോ തകര്‍ത്ത് ഡ്രൈവര്‍ മരിക്കാനിടയായ വിഷയത്തില്‍ ഡ്രൈവറെ പിടികൂടാന്‍ ഇനിയും പൊലിസ് തയാറായിട്ടില്ല.