ന്യൂയോര്‍ക്ക്: പതിനാറു വര്‍ഷം മുന്‍പ് വേള്‍ഡ് ട്രേഡ് സെന്ററിനു നേരെയുണ്ടായ ഭീകരാക്രമണത്തില്‍ കൊല്ലപ്പെട്ടയാളുടെ മൃതദേഹാവശിഷ്ടം തിരിച്ചറിഞ്ഞു. എന്നാല്‍, കുടുംബത്തിന്റെ അഭ്യര്‍ഥന മാനിച്ച് ഇയാളുടെ പേരോ വിശദാംശങ്ങളോ അധികൃതര്‍ പുറത്തുവിട്ടിട്ടില്ല.
2001 സെപ്റ്റംബര്‍ പതിനൊന്നിനു നടന്ന ഭീകരാക്രമണത്തില്‍ 2,753 പേരാണു കൊല്ലപ്പെട്ടത്. ആക്രമണസ്ഥലത്തുനിന്നു വീണ്ടെടുത്ത അസ്ഥിക്കഷണങ്ങളില്‍ ഡി.എന്‍.എ പരിശോധന നടത്തി തിരിച്ചറിഞ്ഞത് 1641 പേരെയാണ്. രണ്ടുവര്‍ഷം മുന്‍പു മറ്റൊരു മൃതദേഹാവശിഷ്ടം തിരിച്ചറിഞ്ഞിരുന്നു.