HOME
DETAILS

ഐ.ഒ.സി ഫറോക്ക് ഡിപ്പോയിലെ തൊഴിലാളി തര്‍ക്കം പരിഹരിച്ചു

  
backup
December 21 2018 | 20:12 PM

%e0%b4%90-%e0%b4%92-%e0%b4%b8%e0%b4%bf-%e0%b4%ab%e0%b4%b1%e0%b5%8b%e0%b4%95%e0%b5%8d%e0%b4%95%e0%b5%8d-%e0%b4%a1%e0%b4%bf%e0%b4%aa%e0%b5%8d%e0%b4%aa%e0%b5%8b%e0%b4%af%e0%b4%bf%e0%b4%b2%e0%b5%86

 

കോഴിക്കോട്: ഇന്ത്യന്‍ ഓയില്‍ കോര്‍പറേഷന്റെ ഫറോക്ക് ഡിപ്പോയില്‍ സ്ഥാപിച്ച ഇന്ധനം നിറക്കുന്ന നീളം കൂടിയ ഫില്ലിങ് ആം സംവിധാനം സംബന്ധിച്ച് നിലനിന്നിരുന്ന തൊഴിലാളി തര്‍ക്കം പരിഹരിച്ചു. ജില്ലാ കലക്ടര്‍ സാംബശിവ റാവുവിന്റെ അധ്യക്ഷതയില്‍ ചേര്‍ന്ന യോഗത്തിലാണ് തര്‍ക്കം പരിഹരിച്ചത്. മൂന്നു ദിവസമായി തുടരുന്ന പണിമുടക്കിനെ തുടര്‍ന്ന് വടക്കന്‍ ജില്ലകളിലെ ഐ.ഒ.സി പമ്പുകള്‍ ഇന്ധന ക്ഷാമത്തിലേക്ക് നീങ്ങിയിരുന്നു. നീളം കൂടിയ ഫില്ലിങ് ആം ഉപയോഗിക്കുന്നതിന് തൊഴിലാളികള്‍ക്ക് ഉടന്‍ പരിശീലനം നല്‍കാന്‍ ജില്ലാകലക്ടര്‍ നിര്‍ദേശം നല്‍കി. ടാങ്കര്‍ ലോറി തൊഴിലാളികള്‍ക്ക് നല്‍കുന്ന ഗ്രീന്‍ കാര്‍ഡ് പുതുക്കുന്നത് സംബന്ധിച്ച് നിലവിലുള്ള കാലതാമസം ഒഴിവാക്കാനും കൗണ്ടറിലെത്തുന്ന തൊഴിലാളിക്ക് ഒരുമണിക്കൂറിനകം കാര്‍ഡ് പുതുക്കി നല്‍കാന്‍ നടപടി സ്വീകരിക്കാനും നിര്‍ദേശം നല്‍കി. പ്ലാനിങ് ഡിസ്‌പ്ലേ സംവിധാനം പുതുക്കുന്നതിനും നടപടി സ്വീകരിക്കണം. കലക്ടറുടെ ചേംബറില്‍ നടന്ന ചര്‍ച്ചയില്‍ എ.ഡി.എം രോഷ്ണി നാരായണന്‍, ജില്ലാ സപ്ലൈ ഓഫിസര്‍ കെ. മനോജ് കുമാര്‍, ഇന്ത്യന്‍ ഓയില്‍ കോര്‍പറേഷന്‍ ഉദ്യോഗസ്ഥര്‍, വ്യാപാരികള്‍, തൊഴിലാളികള്‍ പങ്കെടുത്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."