ന്യൂഡല്‍ഹി: അഗസ്റ്റ വെസ്റ്റ്‌ലാന്‍ഡ് വിവിഐപി ഹെലികോപ്റ്റര്‍ ഇടപാടിലെ ഇടനിലക്കാരന്‍ ക്രിസ്റ്റ്യന്‍ മിഷേലിനെ എന്‍ഫോഴ്‌മെന്റ് ഡയറക്ടറേറ്റ്(ഇ.ഡി) അധികൃതര്‍ അറസ്റ്റ് ചെയ്തു. കോടതിമുറിയില്‍വെച്ച് 15 മിനിറ്റ് ചോദ്യം ചെയ്യാനാണ് അനുമതി നല്‍കിയിരുന്നത്. ചോദ്യം ചെയ്യലിനു ശേഷം മിഷേലിനെ കസ്റ്റഡിയില്‍ വേണമെന്ന് അന്വേഷണ ഏജന്‍സി ആവശ്യപ്പെട്ടു.

യു.പി.എ സര്‍ക്കാരിന്റെ കാലത്തു നടന്ന ഇടപാടിലെ മൂന്ന് ഇടനിലക്കാരില്‍ ഒരാളാണ് ക്രിസ്ത്യന്‍ മിഷേല്‍. ഗ്വയ്‌ഡോ ഹാസ്‌ചെക്ക്, കാര്‍ലോ ഗിറോസ എന്നിവരാണ് മറ്റുള്ളവര്‍.

അഗസ്റ്റ വെസ്റ്റ്‌ലാന്‍ഡില്‍ നിന്നു കരാര്‍ ലഭിക്കുന്നതിന് ഇടനിലക്കാരനായി മിഷേല്‍ 225 കോടി രൂപ കൈക്കൂലി വാങ്ങിയെന്നാണ് എന്‍ഫോഴ്‌സ്‌മെന്റ് ഡയരക്ടറേറ്റ് 2016ല്‍ സമര്‍പ്പിച്ച കുറ്റപത്രം.