മയ്യില്‍: കയരളം കോവുപ്പാട് പേപ്പട്ടിയുടെ കടിയേറ്റ് എട്ടുപേര്‍ക്ക് പരുക്ക്. കോവുപ്പാട് സ്വദേശികളായ അഗിത്ത്(7), പ്രേമരാജന്‍(48), കെ. നാരായാണി(58), പി. കോമളവല്ലി(56), വി. രമ്യ(30), ദാമോദരന്‍(72), കമല(68), ചന്ദ്രമതി(55) എന്നിവര്‍ക്കാണ് കടിയേറ്റത്. ഇവരെ സാരമായ പരുക്കുകളോടെ കണ്ണൂര്‍ ജില്ലാ ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരം ആറോടെയാണ് ഇവര്‍ക്ക് കടിയേറ്റത്. കൈക്കും കാലുകള്‍ക്കുമാണ് പരുക്ക്. ചില വളര്‍ത്തു മൃഗങ്ങള്‍ക്കും നായയുടെ കടിയേറ്റിട്ടുണ്ട്. വീടിനകത്ത് കയറിയ നായയെ കടിയേറ്റ ആള്‍ തന്നെ അടിച്ചു കൊല്ലുകയായിരുന്നു.