മലപ്പുറം: 'നന്മകൊണ്ട് നാടൊരുക്കാം, വിദ്യകൊണ്ട് കൂട് തീര്‍ക്കാം' എന്ന പ്രമേയത്തില്‍ സമസ്ത കേരള സുന്നി ബാലവേദി സില്‍വര്‍ ജൂബിലി സമ്മേളനത്തിന് മലപ്പുറം മേല്‍മുറി ബൈതുല്‍ ഹിക്മയില്‍ തുടക്കം. 25 മഖാമുകളില്‍ നിന്നും കൊണ്ടുവന്ന 25 പതാകകള്‍ വൈകിട്ട് സമ്മേളന നഗരിയില്‍ ഉയര്‍ത്തിയതോടെയാണ് മൂന്ന് ദിവസം നീണ്ടു നില്‍ക്കുന്ന സമ്മേളന പരിപാടികള്‍ക്ക് തുടക്കമായത്. സമ്മേളനത്തിനു മുന്നോടിയായി മച്ചിങ്ങലില്‍ നിന്നും സമ്മേളന നഗരിയിലേക്ക് നടന്ന പെഡസ്ട്രിയല്‍ മാര്‍ച്ച് സുന്നി ബാല വിദ്യാര്‍ഥി പടയണിയുടെ കരുത്ത് വിളിച്ചോതുന്നതായി. 33 അംഗങ്ങളുള്ള 25 ബറ്റാലിയനുകളാണ് മാര്‍ച്ചില്‍ അണിനിരന്നത്.

തുടര്‍ന്ന് സമ്മേളന നഗരിയില്‍ സമസ്ത ട്രഷറര്‍ സി.കെ.എം സ്വാദിഖ് മുസ്്‌ലിയാര്‍ സമസ്ത പതാക ഉയര്‍ത്തി. സില്‍വര്‍ ജൂബിലി ഭാഗമായി 25 എസ്.കെ.എസ്.ബി.വി പതാകകള്‍ സമസ്ത മുശാവറ അംഗങ്ങളായ എം.എം മുഹ്‌യുദ്ദീന്‍ മുസ്‌ലിയാര്‍, ഹൈദര്‍ ഫൈസി പനങ്ങാങ്ങര, വാക്കോട് മൊയ്തീന്‍ ഫൈസി, എ. മരക്കാര്‍ ഫൈസി, ആദൃശേരി ഹംസകുട്ടി മുസ്്‌ലിയാര്‍, ഒ.കുട്ടി മുസ്്‌ലിയാര്‍, എന്നിവരും കെ.കെ.എസ് തങ്ങള്‍ വെട്ടിച്ചിറ,സയ്യിദ് ഫഖ്‌റുദ്ദീന്‍ ഹസനി തങ്ങള്‍, സയ്യിദ് ഹാഷിറലി ശിഹാബ് തങ്ങള്‍, സയ്യിദ് അസീല്‍ അലി ശിഹാബ് തങ്ങള്‍ പാണക്കാട്, സയ്യിദ് നിയാസലി ശിഹാബ് തങ്ങള്‍, സയ്യിദ് ഇമ്പിച്ചിക്കോയ തങ്ങള്‍, എം.എം ഇമ്പിച്ചികോയ മുസ്്‌ലിയാര്‍ വയനാട്, കെ.കെ ഇബ്രാഹിം മുസ്്‌ലിയാര്‍, കെ.എ റഹ്മാന്‍ ഫൈസി, കൊട്ടപ്പുറം അബ്ദുള്ള മാസ്റ്റര്‍, യു.ശാഫി ഹാജി, എം.എ ചേളാരി, പുത്തനഴി മൊയ്തീന്‍ ഫൈസി, കാടേരി മുഹമ്മദ് മുസ്്‌ലിയാര്‍, കൊടക് അബ്ദുറഹ്മാന്‍ മുസ്്‌ലിയാര്‍, പുറങ്ങ് മൊയ്തീന്‍ മുസ്്‌ലിയാര്‍, കാളാവ് സൈതലവി മുസ്്‌ലിയാര്‍, ഇബ്രാഹിം ഫൈസി തിരൂര്‍ക്കാട്, അബ്ദുല്‍ഖാദിര്‍ ഖാസിമി എന്നിവര്‍ പതാക ഉയര്‍ത്തി.

തുടര്‍ന്ന് നടന്ന ഉദ്ഘാടന സമ്മേളനവും അത്തിപ്പറ്റ ഉസ്താദ് അനുസ്മരണ സംഗമവും എം.എ ചേളാരി ഉദ്ഘാടനം ചെയ്തു. പുറങ്ങ് മൊയ്തീന്‍ മുസ്്‌ലിയാര്‍ അധ്യക്ഷനായി. സി.എച്ച് ത്വയ്യിബ് ഫൈസി അനുസ്മരണ പ്രഭാഷണം നടത്തി. തുടര്‍ന്ന് മജ്‌ലിസുന്നൂര്‍ നടന്നു.

സമാപനം നാളെ

മലപ്പുറം: മൂന്നു ദിവസങ്ങളായി മലപ്പുറം ബൈത്തുല്‍ ഹിക്മയില്‍ നടക്കുന്ന എസ്.കെ.എസ്.ബി.വി സംസ്ഥാന സില്‍വര്‍ ജൂബിലി സമ്മേളനം നാളെ സമാപിക്കും. നാളെ ഉച്ചക്ക് 2ന് സമാപന സമ്മേളനം സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും.
സമസ്ത ജനറല്‍ സെക്രട്ടറി കെ. ആലികുട്ടി മുസ്്‌ലിയാര്‍ അനുഗ്രഹ പ്രഭാഷണം നടത്തും. ഡോ. ബഹാഉദ്ദീന്‍ മുഹമ്മദ് നദ്‌വി മുഖ്യപ്രഭാഷണം നടത്തും. എം.ടി അബ്ദുല്ല മുസ്്‌ലിയാര്‍, പി.പി ഉമ്മര്‍ മുസ്്‌ലിയാര്‍ കയ്യോട് പി.കെ കുഞ്ഞാലികുട്ടി എം.പി, ശശിതരൂര്‍ എം.പി, അബ്ദുല്‍ഹമീദ് ഫൈസി അമ്പലക്കടവ് ,ബഷീര്‍ ഫൈസിദേശമംഗലം സംസാരിക്കും. രാവിലെ 8.30ന് പ്രതിനിധി ക്യാംപ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ഇ.ടി.മുഹമ്മദ് ബഷീര്‍ എം.പി,പി.വി.അബ്ദുല്‍വഹാബ് എം.പി, സത്താര്‍ പന്തലൂര്‍,ഉജ്വലബാല്യ പുരസ്‌കാര ജേതാവ് ആസിം വെളിമണ്ണ സംസാരിക്കും. ഓണംപിളളി മുഹമ്മദ് ഫൈസി,എസ്.വി.മുഹമ്മദലി,അബ്ദുസമദ് പൂക്കോട്ടൂര്‍ ക്ലാസെടുക്കും.