ചെറുകുന്ന്: കണ്ണപുരത്തെ ഒരു കുടുംബത്തില്‍ സൂക്ഷിച്ച രത്‌ന കല്ലുകള്‍ തട്ടിയെടുത്തെന്ന പരാതിയില്‍ ജ്യോത്സ്യന്‍ സുഭാഷിന്റെ വീട്ടില്‍ പൊലിസ് റെയ്ഡ്. കണ്ണപുരം പൊലിസിന്റെയും എസ്.പിയുടെ സ്‌പെഷല്‍ സ്‌ക്വാഡിന്റെയും നേതൃത്വത്തിലാണ് ഇന്നലെ രാവിലെ ഒന്‍പതോടെ റെയ്ഡ് നടത്തിയത്. കേസില്‍ ഇയാള്‍ നല്‍കിയ മുന്‍കൂര്‍ ജാമ്യഹരജി ഹൈക്കോടതി തള്ളിയിരുന്നു. പൊലിസ് റെയ്ഡിനെത്തിയപ്പോള്‍ സുഭാഷ് വീട്ടിലുണ്ടായിരുന്നില്ല. അറസ്റ്റ് ഭയന്ന് സുഭാഷ് സ്ഥലത്ത് നിന്ന് മുങ്ങിയതായും സൂചനയുണ്ട്. കണ്ണപുരത്തെ പോള ജയരാജനാണ് പരാതിക്കാരന്‍.