കരിന്തളം: കരിന്തളം തലയടുക്കത്തെ കെ.സി.സി.പി.എല്‍ ഖനിക്കുഴിയിലെ വെള്ളക്കെട്ടില്‍ വീണു യുവാവായ അഖില്‍ ജോസഫ് മരിക്കാനിടയായ സംഭവത്തില്‍ കെ.സി.സി.പി.എല്ലിനെതിരേ കൊലക്കുറ്റത്തിനു കേസ് എടുക്കണമെന്നു യൂത്ത് കോണ്‍ഗ്രസ് കിനാനൂര്‍-കരിന്തളം മണ്ഡലം കമ്മിറ്റി ആവശ്യപ്പെട്ടു.
മരണമടഞ്ഞ യുവാവിന്റെ കുടുംബത്തിനു നഷ്ടപരിഹാരം നല്‍കാന്‍ സര്‍ക്കാരോ ബന്ധപ്പെട്ടവരോ മുന്‍കൈയെടുക്കണമെന്നും യോഗം ആവശ്യപ്പെട്ടു.
മണ്ഡലം പ്രസിഡന്റ് കെ.വി ജയകുമാര്‍ അധ്യക്ഷനായി. നിയോജക മണ്ഡലം പ്രസിഡന്റ് ശ്രീജിത്ത് ചോയ്യങ്കോട്, മണ്ഡലം കോണ്‍ഗ്രസ് പ്രസിഡന്റ് സി.വി ഗോപകുമാര്‍, എന്‍. പ്രഭാകരന്‍, ബാബു ചേമ്പേന, ടി.വി രാജന്‍, രഞ്ജു കുര്യന്‍, സനീഷ് ചെറുവ, എം.രാജേഷ് കുമാര്‍, എം. വിനു, പ്രമോദ്, സി. സേതു, എം. ആകാശ്, എന്‍. നിധിന്‍ സംസാരിച്ചു.