പെരുവെമ്പ്: പെരുവെമ്പ് കൊടുവായൂര്‍ പഞ്ചായത്തുകളിലെ നെല്‍പാടങ്ങളില്‍ വ്യാപകമായ തോതില്‍ എലിശല്യം വര്‍ധിച്ചു. ഇതുമൂലം  രണ്ടരമാസം പ്രായമായ നെല്‍ചെടികളില്‍ പകുതിയിലധികം നശിച്ചതായി പെരുവെമ്പ് അപ്പളത്തിലെ കര്‍ഷകനായ അശോകന്‍ പറയുന്നു. എലികളുടെ ശല്യത്തിനെതിരേ കൃഷിഭവനില്‍ പരാതി നല്‍കിയെങ്കിലും നടപടിയുണ്ടാകാത്തതിനാല്‍ പാരമ്പര്യമായി ചെയ്തുവരുന്ന പ്ലാസ്റ്റിക്ക് കവറുകള്‍ കമ്പുകളില്‍ കെട്ടിസ്ഥാപിക്കുന്നപണികളാണ് ല്‍െപാടങ്ങളില്‍ നടന്നുവരുന്നത്. ചിലപ്രദേശങ്ങളില്‍ എലിപെട്ടികള്‍ സ്ഥാപിക്കുന്നുണ്ടെങ്കിലും ഇവയൊന്നും ഫലവത്താകുന്നില്ലെന്ന് കര്‍ഷകര്‍ പറയുന്നു.