തിരുവനന്തപുരം: ശിവഗിരി തീര്‍ഥാടനത്തിന് ഇന്ന് തുടക്കമാവും. രാവിലെ പത്തിന് ഗവര്‍ണര്‍ പി. സദാശിവം തീര്‍ഥാടന പരിപാടികള്‍ ഉദ്ഘാടനം ചെയ്യും. ശ്രീനാരായണ ധര്‍മസംഘം ട്രസ്റ്റ് പ്രസിഡന്റ് വിശുദ്ധാനന്ദ സ്വാമി അധ്യക്ഷത വഹിക്കും. മന്ത്രി എ.കെ ബാലന്‍, എം.പിമാരായ കെ.സി വേണുഗോപാല്‍, എന്‍.കെ പ്രേമചന്ദ്രന്‍, പ്രൊഫ. റിച്ചാര്‍ഡ് ഹേ, വി. ജോയി എം.എല്‍.എ പങ്കെടുക്കും. ശിവഗിരി തീര്‍ഥാടന എവര്‍റോളിങ് വോളി കപ്പ് വിജയികള്‍ക്ക് സമ്മാനിക്കും. ശിവഗിരി ടിവിയുടെ ലോഗോ പ്രകാശനവും നടക്കും.