മെല്‍ബണ്‍: ഇന്ത്യന്‍ പര്യടനത്തിനുള്ള ആസ്‌ത്രേലിയന്‍ ക്രിക്കറ്റ് ടീമിനെ പ്രഖ്യാപിച്ചു. സെപ്റ്റംബറിലാണ് ഓസീസ് ടീം ഇവിടെ പര്യടനത്തിനായി എത്തുന്നത്. അഞ്ച് മത്സരങ്ങളടങ്ങിയ ഏകദിന പോരാട്ടവും മൂന്ന് ടി20 മത്സരങ്ങളടങ്ങിയ പരമ്പരയുമാണ് ഓസീസ് ഇവിടെ കളിക്കുന്നത്.
നഥാന്‍ കോള്‍ടര്‍ നെയ്ല്‍, ജയിംസ് ഫോക്‌നര്‍ എന്നിവര്‍ ടീമില്‍ തിരിച്ചെത്തി. ഹില്‍ടന്‍ കാര്‍ട്‌വൈറ്റാണ് ടീമിലെ പുതുമുഖം. ഏകദിനത്തിനായി 14 അംഗ ടീമിനേയും ടി20യ്ക്കായി 13അംഗ ടീമിനേയുമാണ് തിരഞ്ഞെടുത്തിരിക്കുന്നത്. സ്റ്റീവന്‍ സ്മിത്താണ് നായകന്‍.