തുറവൂര്‍: രണ്ടു വീടുകളില്‍ മോഷണം. ഉറങ്ങിക്കിടന്ന വീട്ടമ്മയുടെ മാല കവര്‍ന്നു.മറ്റൊരു വീട്ടില്‍ മോഷണ ശ്രമത്തിനിടെ ഗ്രഹനാഥനേയും ഭാര്യയേയും തലക്കടിച്ച് പരുക്കേല്‍പ്പിച്ചു. തുറവൂര്‍ പഞ്ചായത്ത് അഞ്ചാം വാര്‍ഡില്‍ കളത്തില്‍ചിറയില്‍ സുമേഷിന്റെ ഭാര്യ അശ്വതിയുടെ  മാലയാണ് കവര്‍ന്നത്.  
 തുറന്നുകിടന്ന ജനലിലൂടെയാണ് മാല പൊട്ടിച്ചെടുത്തത്.  കല്ലത്ത് രവി(60)ഭാര്യ രമണി(55)എന്നിവരെയാണ് തലക്ക് അടിയേറ്റ് കോട്ടയം മെഡിക്കല്‍ കോളജില്‍ പ്രവേശിപ്പിച്ചത്. ഇവിടെ അടുക്കള വാതില്‍പൊളിച്ചാണ് മോഷ്ടാക്കള്‍ അകത്തു കടന്നത്. ഇന്നലെ പുലര്‍ച്ചെ ഒന്നരയോടെയായിരുന്നു സംഭവം. മാലയുടെ കൊളുത്തും താലിയും ഒഴികെയുള്ള ഭാഗങ്ങള്‍ നഷ്ടപ്പെട്ടു. കുത്തിയതോട് പോലീസ് സ്ഥലത്തെത്തി പരിശോധന നടത്തി. അന്വേഷണം ആരംഭിച്ചു.