കോഴിക്കോട്: എം.ഇ.എസ് കോഴിക്കോട് ജില്ലാ കമ്മിറ്റി ഡോ. പി.കെ അബദുല്‍ ഗഫൂര്‍ അനുസ്മരണവും അവാര്‍ഡ് ദാനവും സംഘടിപ്പിച്ചു. എം.ഇ.എസ് സംസ്ഥാന വൈസ് പ്രസിഡന്റ് പ്രൊഫ. കടവനാട് മുഹമ്മദ് ഉദ്ഘാടനം ചെയ്തു. ജില്ലാ പ്രസിഡന്റ് സി.ടി സക്കീര്‍ ഹുസൈന്‍ അധ്യക്ഷനായി. 

ജേതാക്കള്‍ക്കുള്ള അവാര്‍ഡുകള്‍ കെ.എസ്.യു സംസ്ഥാന പ്രസിഡന്റ് കെ.എം അഭിജിത്തും യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസും വിതരണം ചെയ്തു. ഹംന മറിയം, മുഹമ്മദ് ജാബിര്‍, കെ. റസിം, എന്‍. ഷാഫില്‍ മഹീന്‍, എന്‍. നന്ദഗോപാല്‍, ഫര്‍സിന എന്നിവരെ ആദരിച്ചു.
ഉയര്‍ന്ന വിജയ ശതമാനം നേടിയ കൈതപ്പൊയില്‍ ഫാത്തിമ റഹീം സ്‌കൂളിനും കൊടിയത്തൂര്‍ പി.ടി.എം സ്‌കൂളിനും എം ബാവുട്ടി ഹാജി മെമ്മോറിയല്‍ ട്രോഫി നല്‍കി.
എം.എം റഷീദ്, എം.ഇ.എസ് സംസ്ഥാന സെക്രട്ടറി ഡോ. വി.കെ ജമാല്‍, വി.പി അബ്ദുറഹിമാന്‍, മലപ്പുറം ജില്ലാ സെക്രട്ടറി ഒ.സി സലാഹുദ്ദീന്‍, എന്‍.പി.സി അബ്ദുറഹിമാന്‍ സംസാരിച്ചു. ജില്ലാ ജോയിന്റ് സെക്രട്ടറി എ.ടി.എം അഷ്‌റഫ് നന്ദി പറഞ്ഞു.