വെള്ളറട: തിരുവനന്തപുരം, കൊല്ലം, പത്തനംതിട്ട ജില്ലകളിലുള്ള സി.ബി.എസ്.ഇ അംഗീകാരമുള്ള സ്‌കൂളുകളുടെ കലോത്സവത്തിന് കുന്നത്തുകാല്‍ ശ്രീ ചിത്തിര തിരുന്നാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളില്‍ തിരശ്ശീല വീണു. കലാമേളയുടെ ഉദ്ഘാടനം ഇന്ത്യന്‍ സിനിമയിലെ മികച്ച അഭിനയേത്രി ഉര്‍വശി ശാരദ നിര്‍വഹിച്ചു. മുന്‍ അംബാസഡറും ശ്രീ ചിത്തിര തിരുന്നാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളിന്റെ ചെയര്‍മാനുമായ ടി.പി ശ്രീനിവാസന്‍ അധ്യക്ഷനായ യോഗത്തില്‍ എം.എല്‍.എ സി.കെ ഹരീന്ദ്രന്‍ മുഖ്യപ്രഭാഷണം നടത്തി.
ശ്രീ ചിത്തിര തിരുന്നാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളിന്റെ മാനേജരും സെക്രട്ടറിയും ആയ ടി. സതീഷ് കുമാര്‍, സഹോദയ പ്രസിഡന്റ് ജ്യോതിസ് ചന്ദ്രന്‍, ശ്രീ ചിത്തിര തിരുന്നാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളിന്റെ പ്രിന്‍സിപ്പളും കലോത്സവം ജനറല്‍ കണ്‍വീനറുമായ എസ്. പുഷ്പവല്ലി, സഹോദയ സെക്രട്ടറി ജയശങ്കര്‍ പ്രസാദ്, പി.ടി.എ പ്രസിഡന്റ് സുലേഖ എന്നിവര്‍ സംബന്ധിച്ചു.