തിരുവനന്തപുരം: ഗണേശ വിഗ്രഹ നിമജ്ജന ഘോഷയാത്രയുമായി ബന്ധപ്പെട്ട് തിരുവനന്തപുരം നഗരത്തില്‍ തിങ്കളാഴ്ച വൈകുന്നേരം 3 മുതല്‍ ഗതാഗത നിയന്ത്രണം ഏര്‍പ്പെടുത്തുമെന്നു സിറ്റി പൊലിസ് അറിയിച്ചു. ഘോഷയാത്ര കടന്നുപോകുന്ന ഭാഗങ്ങളില്‍ വാഹനപാര്‍ക്കിങ് അനുവദിക്കില്ല. കിഴക്കേക്കോട്ട-പുളിമൂട്-പാളയം രക്തസാക്ഷിമണ്ഡപം വരെയുള്ള റോഡിലും പാര്‍ക്കിങ് അനുവദനിക്കില്ല. കൂടാതെ ജി.വി രാജ, പി.എം.ജി, ആശാന്‍ സ്‌ക്വയര്‍, പാറ്റൂര്‍, പേട്ട, ചാക്ക, ഓള്‍സെയിന്റ്‌സ്, ശംഖുംമുഖം, വലിയതുറ റോഡുകളിലും വാഹനങ്ങള്‍ പാര്‍ക്ക് ചെയ്യരുത്.
കിഴക്കേക്കോട്ട അട്ടക്കുളങ്ങര ഗവ. ഹൈസ്‌കൂള്‍, ഫോര്‍ട്ട് സ്‌കൂള്‍, അട്ടക്കുളങ്ങര-കൊത്തളം റോഡ്, ആയുര്‍വേദ കോളജിനു സമീപം എസ്.എം.വി സ്‌കൂള്‍ എന്നിവിടങ്ങില്‍ വാഹനങ്ങള്‍ പാര്‍ക്ക്‌ചെയ്യാമെന്നു പൊലിസ് അറിയിച്ചു. ശംഖുംമുഖത്ത് നിമജ്ജന ഘോഷയാത്രയില്‍ പങ്കെടുക്കാന്‍ വരുന്നവരുടെ വാഹനങ്ങള്‍ സമീപത്തെ സുനാമി പാര്‍ക്കിലും ഫുട്‌ബോള്‍ ഗ്രൗണ്ടിലുമായി പാര്‍ക്ക് ചെയ്യണം. എയര്‍പോര്‍ട്ടിലേക്കു വരുന്ന യാത്രക്കാര്‍ ഗതാഗതത്തിരക്ക് കണക്കിലെടുത്ത് മുന്‍കൂട്ടി യാത്രകള്‍ ക്രമീകരിക്കണം. ഇവര്‍ ഈഞ്ചയ്ക്കല്‍-കല്ലുമ്മൂട്-വലിയതുറ റോഡ് വഴി പോവണമെന്നും സിറ്റി പൊലിസ് അറിയിച്ചു.