പൂക്കോട്ടുംപാടം: ഗുഡ്‌വില്‍ ഇംഗ്ലീഷ് സ്‌കൂള്‍ ജൂനിയര്‍ റെഡ്‌ക്രോസ് യൂനിറ്റ് ഏകദിന വ്യക്തിത്വ വികസന ശില്‍പശാല സംഘടിപ്പിച്ചു. കോഴിക്കോട് ആര്‍സിസ് മൈന്‍ഡ് പവര്‍ ഇന്‍സ്റ്റിറ്റ്യൂട്ടുമായി സഹകരിച്ചാണ് പരിപാടി നടത്തിയത്. എസ്.ഐ അമൃതരംഗന്‍ ഉദ്ഘാടനം ചെയ്തു. 

സ്‌കൂള്‍ മാനേജര്‍ എം. അബ്ദുല്‍ നാസര്‍ അധ്യക്ഷനായി. എസ്.ഐയെ പൊന്നാട അണിയിച്ച് ആദരിച്ചു. കോഴിക്കോട് ലിറ്റില്‍ ഡാഫൊഡില്‍സ് സ്‌കൂള്‍ പ്രിന്‍സിപ്പല്‍ എന്‍. രാമചന്ദ്രന്‍ നായര്‍ ശില്‍പശാലയ്ക്ക് നേതൃത്വം നല്‍കി. പ്രിന്‍സിപ്പല്‍ പി.കെ ബിന്ദു, വൈസ് പ്രിന്‍സിപ്പല്‍ നിഷ സുധാകരന്‍, സീന അരുണ്‍, അധ്യാപകരായ വൈഷ്ണവി ശ്രീറാം, ടി.ജി രാജീവ്, കെ.ടി ചന്ദ്ര, സി അനീഷ്, പി. അബ്ദുല്‍ സലാം, ജിഷ്മ മുരളി സംസാരിച്ചു.