ഹാംബര്‍ഗ്: ലോക ബോക്‌സിങ് ചാംപ്യന്‍ഷിപ്പില്‍ വിജയത്തുടക്കമിട്ട് ഇന്ത്യ. 19ാമത് ലോക പോരാട്ടത്തിന്റെ ആദ്യ ദിനത്തില്‍ രണ്ട് ഇന്ത്യന്‍ താരങ്ങളാണ് മത്സരിക്കാനിറങ്ങിയത്. 49 കിലോയില്‍ അമിത് ഫംഗലും 56 കിലോയില്‍ ഗൗരവ് ബുധുരിയും ഇരുവരും വിജയത്തോടെ രണ്ടാം റൗണ്ടിലേക്ക് മുന്നേറി. അമിത് ഇറ്റാലിയന്‍ താരം ഫെഡറിക്കോ സെറയെ പരാജയപ്പെടുത്തി. ആസ്‌ത്രേലിയന്‍ യുവ താരം സാം ഗുഡ്മാനെ കീഴടക്കിയാണ് ആദ്യ റൗണ്ടില്‍ ഗൗരവ് വിജയം സ്വന്തമാക്കിയത്.