മാഹി: ശുചിത്വ വിദ്യാലയത്തിനുള്ള ദേശീയ അവാര്‍ഡ് മാഹി ചെറുകല്ലായിയിലെ ചെറുകല്ലായി ഗവ.എല്‍.പി സ്‌കൂളിന് ലഭിച്ചു.
കേന്ദ്ര മാനവ വിഭവശേഷി മന്ത്രാലയത്തിന്റെ സ്വഛ് വിദ്യാലയ പുരസ്‌കാരമാണ് സ്‌കൂളിനു ലഭിച്ചത്. അന്‍പതിനായിരം രൂപയും പ്രശസ്തി പത്രവുമാണ് അവാര്‍ഡ്.
ദേശീയ തലത്തില്‍ മാറ്റുരച്ച 643 സ്‌കൂളുകളില്‍ നിന്നു തെരഞ്ഞെടുക്കപ്പെട്ട 172 സ്‌കൂളുകളിലൊന്നാണ് മാഹിക്ക് അഭിമാനമായ ഈ വിദ്യാലയം.
സെപ്റ്റംബര്‍ ഒന്നിന് ന്യൂഡല്‍ഹിയില്‍ നടക്കുന്ന ചടങ്ങില്‍ കേന്ദ്രമന്ത്രി പ്രകാശ് ജാവ്‌ദേക്കര്‍ അവാര്‍ഡ് വിതരണം ചെയ്യും. സ്‌കൂള്‍ പ്രധാനാധ്യാപിക ഒ. ഉഷ, സ്വച്ഛ് ആര്‍മി അംബാസഡര്‍ കൂടിയായ ഹിസാന്‍ മുഹമ്മദ് എന്നിവര്‍ അവാര്‍ഡ് ഏറ്റുവാങ്ങും.