അജാനൂര്‍: ബാഹ്യാര്‍ഥങ്ങളുടെ വായന കൊണ്ടുമാത്രം ഗ്രഹിച്ചെടുക്കാനാവാത്ത ആശയ പ്രപഞ്ചത്തെ ഉള്‍ക്കൊള്ളുന്ന ദൈവീക വചനങ്ങളുടെ സമാഹാരമാണു വിശുദ്ധ ഖുര്‍ആനെന്നു സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. മുട്ടുന്തല ശാഖാ എസ്.കെ.എസ്.എസ്.എഫ് ശംസുല്‍ ഉലമാ സുന്നി സെന്ററിന്റെ ഒന്നാം വാര്‍ഷികം 'അനുഗ്രഹം 2017' ഉദ്ഘാടനം ചെയ്യുകയായിരുന്നു തങ്ങള്‍. ഖുര്‍ആനു പകരം വെക്കാന്‍ മറ്റൊരു ഗ്രന്ഥമില്ല. ഖുര്‍ആന്‍ പാരായണം ചെയ്യുന്നതും മനഃപാഠമാക്കുന്നതും പുണ്യമുള്ള കാര്യമാണെന്നും അദ്ദേഹം പറഞ്ഞു. പതിനാലുകാരനായ അബൂബക്കര്‍ ഇബ്‌നു അബ്ദുല്ല മുഖ്യപ്രഭാഷണം നടത്തി. സ്വാഗതസംഘം ചെയര്‍മാന്‍ ഇബ്രാഹിം ആവിക്കല്‍ അധ്യക്ഷനായി. കണ്‍വീനര്‍ അബ്ദുല്ല മുട്ടുന്തല, കുറ്റിക്കോല്‍ ഇബ്രാഹിം ഹാജി, സംയുക്ത ജമാഅത്ത് സെക്രട്ടറി ബഷീര്‍ വെള്ളിക്കോത്ത്, മുട്ടുന്തല ജുമാ മസ്ജിദ് ഇമാം മുഹമ്മദലി അസ്ഹരി മട്ടന്നൂര്‍, ജമാഅത്ത് പ്രസിഡന്റ് സണ്‍ലൈറ്റ് അബ്ദുല്‍റഹിമാന്‍ ഹാജി, റഷീദ് മുട്ടുന്തല, മുബാറക് ഹസൈനാര്‍ ഹാജി, അബ്ദുല്‍ ഖാദര്‍ ഹാജി റഹ്മത്ത്, മൊയ്തു മമ്മു ഹാജി, എം.എ. റഹ്മാന്‍, അബ്ദുല്‍ അസീസ് ബദരി, സി.കെ റഹ്മത്തുള്ള, ബദറുദ്ധീന്‍ സണ്‍ലൈറ്റ്, ഖൈസ് എന്നിവര്‍ സംസാരിച്ചു.
ഇന്നു രാവിലെ ഒന്‍പതു മുതല്‍ അഖിലേന്ത്യാ ഹിഫ്‌ളുല്‍ ഖുര്‍ആന്‍ ഫൈനല്‍ റൗണ്ട് മത്സങ്ങള്‍ നടക്കും.