മണ്ണാര്‍ക്കാട്: എസ്.വൈ.എസ് പാലക്കാട് ജില്ലാ കമ്മിറ്റി നടപ്പിലാക്കുന്ന കര്‍മപദ്ധതിയുടെ ഭാഗമായി തന്‍ഹീള് 2017 എസ്.വൈ.എസ്. മണ്ണാര്‍ക്കാട് മണ്ഡലം പ്രവര്‍ത്തക ക്യാംപ് ഇന്ന്.
രാവിലെ 10 മണിമുതല്‍ 2 മണിവരെ നാട്ടുകല്‍-അണ്ണാംതൊടി ഹയാത്തുല്‍ ഇസ്‌ലാം മദ്‌റസ ഹാളിലാണ് ക്യാംപ്.
ദഅ്‌വ പ്രവര്‍ത്തനങ്ങള്‍ ഊര്‍ജ്ജിതപ്പെടുത്തുന്നതിനും സംഘടന സംവിധാനം കാലോചിതമായി പരിഷ്‌കരിക്കുന്നതിനും ജീവകാരുണ്യ പ്രവര്‍ത്തനങ്ങള്‍ കാര്യക്ഷമമാക്കുന്നതിനും പ്രവര്‍ത്തകരെ സജ്ജമാക്കലാണ് ക്യാംപിന്റെ ലക്ഷ്യം.
എസ്.വൈ.എസ്. മണ്ണാര്‍ക്കാട് മണ്ഡലം പ്രവര്‍ത്തക സമിതി അംഗങ്ങള്‍ പഞ്ചായത്തുകളില്‍ നിന്നുള്ള മണ്ഡലം കൗണ്‍സിലര്‍മാര്‍ പഞ്ചായത്ത് ഭാരവാഹികള്‍ എന്നിവരാണ് ക്യാംപില്‍ പങ്കെടുക്കുന്നത്.
ജംഇയ്യത്തുല്‍ ഖുത്വബാഅ് സംസ്ഥാന വൈസ് പ്രസിഡന്റ് പി.കെ. ഇമ്പിച്ചിക്കോയ തങ്ങള്‍ കൊടക്കാട് ക്യാംപ് ഉദ്ഘാടനം ചെയ്യും.
എസ്.വൈ.എസ്. മണ്ഡലം പ്രസിഡന്റ് ഹബീബ് ഫൈസി കോട്ടോപ്പാടം അധ്യക്ഷനാകും. റഹ്മത്തുള്ളാ ഖാസിമി മുത്തേടം മുഖ്യപ്രഭാഷണം നടത്തും.
എസ്.വൈ.എസ് ജില്ലാ ജന.സെക്രട്ടറി ടി.കെ. മുഹമ്മദ് കുട്ടി ഫൈസി കരുവാന്‍പടി കര്‍മപദ്ധതി അവതരിപ്പിക്കും.
സി.പി. ബാപ്പു മുസ്‌ലിയാര്‍, അലവി ഫൈസി കുളപ്പറമ്പ്, സി. മുഹമ്മദലി ഫൈസി, കെ.സി. അബൂബക്കര്‍ ദാരിമി, കെ.പി. സൈനുദ്ദീന്‍ ഫൈസി, സി. മുഹമ്മദ് കുട്ടി ഫൈസി, അബ്ദുല്‍ കരീം ഫൈസി കുളപ്പറമ്പ്, മുസ്തഫ അഷ്‌റഫി കക്കുപ്പടി, ശമീര്‍ ഫൈസി കോട്ടോപ്പാടം, കെ. മുഹമ്മദലി മാസ്റ്റര്‍ വടക്കുമണ്ണം വിവിധ വിഷയങ്ങളില്‍ ചര്‍ച്ചകള്‍ക്ക് നേതൃത്വം വഹിക്കും.
എസ്.വൈ.എസ്. മണ്ഡലം ജന.സെക്രട്ടറി സംസം ബഷീര്‍ അലനല്ലൂര്‍ സ്വാഗതവും വര്‍ക്കിങ് സെക്രട്ടറി സുലൈമാന്‍ ഫൈസി നന്ദിയും പറയും.