കാഞ്ഞങ്ങാട്: പൊളിവചനങ്ങള്‍ ഉരുവിട്ടു ഗാന്ധിജിയെ പ്രധാനമന്ത്രി അപമാനിക്കുകയാണെന്നു പ്രമുഖ കഥാകൃത്ത് ടി. പത്മനാഭന്‍. മന്‍ കി ബാത്തില്‍ ഗാന്ധിജിയെ കുറിച്ച് ഇപ്പോള്‍ പറയുന്നതു മാവേലിയെ വരവേല്‍ക്കാനായി എഴുതിയ പഴയ ഓണപ്പാട്ടുകളുടെ ശൈലിയില്‍ പറഞ്ഞാല്‍ വെറും പൊളിവചനങ്ങള്‍ മാത്രമായി മാറുകയാണെന്നും അദ്ദേഹം പറഞ്ഞു. കഥാകൃത്ത് സി.വി ബാലകൃഷ്ണന്‍ എഴുത്തിന്റെ 50 വര്‍ഷം പിന്നിടുന്നതിന്റെ ഭാഗമായി മാനവ സംസ്‌കൃതി ജില്ലാ കമ്മിറ്റി സംഘടിപ്പിച്ച 'ദിശ' പരിപാടി ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്രസര്‍ക്കാര്‍ നിലവിലുള്ള രാഷ്ട്രീയ സാഹചര്യത്തില്‍ ഗാന്ധിജിയടക്കമുള്ളവരെ മറക്കുന്ന രീതിയിലുള്ള കാര്യങ്ങളാണു ചെയ്യുന്നതെന്നും ടി. പത്മനാഭന്‍ പറഞ്ഞു